خالد الجندي: ألف مبروك علينا رئيس سهران وشقيان 24 ساعة عشان خاطرنا

حرصخالد الجندي عضو المجلس الأعلى للشؤون الإسلامية، رسالة شكر للرئيس عبدالفتاح السيسي، بمناسبة افتتاحه مدينة المنصورة الجديدة.

وقال خالد الجندي،خلال حلقة اليوم من برنامجه "لعلهم يفقهون":ألف مبروك علينا وعلى بلدنا رئيس سهران وتعبان وشقيان 24 ساعة عشان خاطرنا، شكرا ليك يا ريس.

وواصل:مبروك علينا رئيس مجتهد ونشيط ومكافح ومبيضيعش وقت، رئيس تعبان عشان بلدنا، وسهران على مصالحنا ، إحنا محظوظين بيك يا ريس،إحنا مبنشوفش المشروعات إلا وهي بتتفتح، معندناش حاجة اسمها وضع سيادته حجر الأساس، ولا حط الأسمنت والطوب وبعدين خد بعضه ومشي و قال سلام عليكم و يا مولاوي كما خلقتني.

وتابع:إحنا عندنا رئيس بتاع أفعال لا أقوال أفعاله هي التي تتحدث، معقبا:" اللي عمله الرئيس و شوفتوه النهاردة دا إجراء عادي في حياته،الرئيس السيسي من يوم ما تولى الأمانة اللي ربنا أسندها إليه، ودي نعمة من ربنا سبحانه وتعالى علينا، مشيدا بحديثه مع الشباب خلال جولته التفقدية بكورنيش المدينة.

وأردف:شوفوا بيكلم الشباب إزاي، هل شفتم في حياتكم حالة الحميمية والحب والتواصل مع ولادنا وشبابنا والبساطة، دا أول رئيس يكون يكسب قلوب الشباب،منذ تولي الرئيس السيسي، مشوفناش حاجة اسمها مدرسة عبدالفتاح السيسي، أو مصنع السيسي، أو مستشفى السيسي، أو كوبري السيسي، مفيش الكلام ده، دا أول رئيس يكون عنده إنكار للذات ويعمل في صمت.

الرئيس السيسي يتفقد نادي شربيني

من جانبه تفقدالرئيس عبد الفتاح السيسي، رئيس الجمهورية منذ قليل نادي شربين الرياضي، وأجرى الرئيس السيسي حورًا مع الأطفال.

ووجه الرئيس السيسى رسالة إلى الناشئين قائلا لهم " المهارات هي الأساس في كرة القدم إلى جانب اللياقة البدنية الهائلة"، مضيفا أنهم سيلعبون في المدينة الأوليمبية بالعاصمة الإدارية الجديدة.

وقال طفل للرئيس السيسي أنا عمري ما كنت أتوقع أقابل حضرتك، وهوعد حضرتك إن شاء الله نصعد كأس العالم.

ليرد الرئيس السيسي على الطفل: أنا علي عيني يا بني إني آجي وأقابلك كل يوم، وعن كأس العالم، الأماني جميلة ولكن لازم جهد مننا كل ولازم نكون على قلب رجل واحد.

وقال طفل من نادي شربين الرياضي في حديثه للرئيس السيسي: هل ممكن أنا أبقي زيمحمد صلاح؟

ورد الرئيس السيسي، علي الطفل قائلًا: عاوز تبقي زي محمد صلاح شوف عمل إيه في حياته.. لازم تتعب وتشغل.. ومفيش حاجة بالساهل ومفيش حاجة ببلاش.. وصلاح نموذج عظيم.