الرئيس السيسي يتفقد نادي شربين الرياض ويجرى حواراً مع الأطفال

تفقد الرئيس عبد الفتاح السيسي، رئيس الجمهورية منذ قليل نادي شربين الرياضي، وأجرى الرئيس السيسي حورًا مع الأطفال.

ووجه الرئيس السيسى رسالة إلى الناشئين قائلا لهم " أنا سعيد بيكم وعاوز أقولكم على حاجة طبعا المهارات مفيش كلام هي الأساس، لكن اللياقة البدنية الهائلة والقدرة البدنية القوية جدا جدا هتخليك لو عندك مهارات كويسة لاعب ملكش حل”

وقال طفل للرئيس السيسي أنا عمري ما كنت أتوقع أقابل حضرتك، وهوعد حضرتك إن شاء الله نصعد كأس العالم.

ليرد الرئيس السيسي على الطفل: أنا علي عيني يا بني إني آجي وأقابلك كل يوم، وعن كأس العالم، الأماني جميلة ولكن لازم جهد مننا كل ولازم نكون على قلب رجل واحد.

وقال طفل من نادي شربين الرياضي في حديثه للرئيس السيسي: هل ممكن أنا أبقي زي محمد صلاح ؟

ورد الرئيس السيسي، علي الطفل قائلًا: عاوز تبقي زي محمد صلاح شوف عمل إيه في حياته.. لازم تتعب وتشغل.. ومفيش حاجة بالساهل ومفيش حاجة ببلاش.. وصلاح نموذج عظيم.

وتابع الرئيس السيسي خلال نصائحة للناشين :”تشربوا سجاير؟، مفيش غير الرياضة، كرة ومذاكرة، أنتم عارفين إنكم هتلعبوا في العاصمة الإدارية الجديدة، فيه مدينة أولمبية هناك، فيها ستاد 80 أو 85 ألف متفرج، وهنعمل افتتاح هناك”