"مش قادر أصدق إنه مشي وبعتبره محصلش".. آسر ياسين يُرثي مساعده بعد رحيله بكلمات مؤثرة

أعلن الفنان آسر ياسين عبر حسابه الرسمي بموقع فيسبوك، وفاة مساعده الخاص "مجدي", و وجه الفنانرسالة رثاء مؤثرة لمساعده الذي رحل عن عالمنا من ثلاث أسابيع.

وكتب ياسين عبر حسابه الشخصي بموقع تبادل الصور والفيديوهات “إنستجرام” :”إهداء لمجدي! كان المساعد بتاعي لأكتر من ١٤ سنة، قصته فيها كمية عِبر حياتية غير طبيعية.. اشتغل كهربائي لمدة تلاتين سنة وبعد كده حصتله حادثة موت اتكتبله فيها عمر جديد”.

الناس حبته لأنه يخش القلب

وتابع: «ومن هنا ابتدا يشتغل مساعد ليا بناءًا على نصيحة أبويا اللي رشحهولي عشان اخلاصه وأمانته.. عمره ما كان يتخيل انه يشتغل في السيما ويقابل روبي ومني زكي ومحمود حميدة!! ومش بس كده، ده كمان وقف قدام الكاميرا كذا مرة في أدوار شرفية..كل الناس حبته لأنه يخش القلب على طول لطيبته وبساطته».

واستطرد :”كان يخاف عليا جدًا بالذات في مشاهد الاكشن..وكنا ساعات بنتقمص من بعض لما نخش في حوارات عبثية عن الحياة وبعدها نقوم مهيفيين بأي كلام زي الصورة اللي في البوست. اللذيذ في الموضوع انه كان ييجي يسألني عن نصيحتي في حاجات شخصية على رغم فرق السن..مفيش طفل يشوفه غير ولازم يبتسم لا إراديًا بسبب وشه البشوش والطفولي”.

واختتم :”مجدي رحل عن عالمنا من ٣ أسابيع، ولحد النهاردة أنا ما اتكلمتش عنه. يمكن لأني بتجنب ده أو أني معتبره ماحصلش، مش عارف.. بس اللي عارفه كويس أوي أنه حقيقي واحشني”.