حسن الرداد: فيلم تحت تهديد السلاح قصة حقيقية..وهو أول فيلم مصري يتعرض في ألمانيا من 60 سنة

انطلق منذ قليل حفل افتتاح مهرجان القاهرة السينمائي في دورته الـ 44، المقام برئاسة الفنان حسين فهمي كرئيس للمهرجان للمره الأولى، والمقام في دار الأوبرا المصرية.

وتحدث الفنان جسن الردادعن نجاح فيلمه تحت تهديد السلاح، وأنه بعيد عن الكوميديا في عمل سينمائي له، وذلك خلال لقائه على قناة DMC

وقال حسن الرداد خلال لقائه: أنا سعيد بردود الفعل من الناس على الفيلم سواء في مصر أو الوطن العربي أو الجاليات اللي بتتفرج عليه في أمريكا وإنجلترا.

وأضاف حسن الرداد: فيلم تحت تهديد السلاح قصة حقيقية، ودي أول حاجة عجبتني في العمل، ولما كنت بشوف أفلام عالمية مستوحاة من أحداث حقيقية بيبقى ليها وقع مختلف، وكاتبها أيمن بهجت قمر ببراعة شديدة أوي، وشخصية صعبة ومركبة ومختلفة عن اللي عملته.

وتابع الرداد حديثه: عملت الكوميدي والحمد لله لقيت نجاح في مصر وبرة مصر، وكان من السهل أعمل حاجة ناجحة مع الجمهور، ولكن حبيت آخد ريسك والحمد لله ردود الفعل كانت هايلة، وفيلم تحت تهديد السلاح أول فيلم مصري يتعرض في ألمانيا من 60 سنة وكل الحاحات دي بسطاني الحقيقة.

واختتم حسن الرداد: ببص إن العمل أو الدور يبقى مختلف عن اللي عملته قبل كده، ويبقى توقيت العمل بالنسبة للناس مقبول، وفيه عوامل كتير بتخليني أوافق على العمل أو لا.