رفض مكافأة كبيرة .. تكريم طفل أعاد "أنسيال ألماس" لصاحبته في الدقهلية

كرم النائب طارق عبدالهادي، رئيس مجلس إدارة نادي جزيرة الورد بالمنصورة التابع لمديرية الشباب والرياضة بمحافظة الدقهلية، الطفل علي أيمن إبراهيم سنجام، 9 سنوات، الطالب في الصف الثالث الابتدائي،وذلك بعد عثوره علي سوار من الماس " انسيال الماظ " بنادي جزيرة الورد، واعاده إلى اصحابه ورفض الحصول علي اي مكافاة، علي الرغم من اعلان أصحابه عن رصد مكافاة مالية كبيرة لمن يعثر عليه ويعيده.

وقدم رئيس مجلس ادارة نادي جزيرة الورد شهادة تقدير ودرع النادي، للطفل "علي أيمن" كما قرر منح رحلة مجانية للطفل واسرته، وذلك تكريما له علي امانته وموقفه المشرف للجميع.

وقال علي: وجدت الانسيال ومكنتش عارف إنه غالي وروحت الامانات علشان اسيبه هناك لقيتهم قافلين، بعدها روحت البيت قولت لماما وهي شافت اعلان علي صفحة النادي عن الانسيال، وعرفنا إنه غالي، واتصلنا برقم صاحبته ونزلت رجعته ليها، ورفضت اي مكافاة، وأضاف علي: تكريم النادي بالنسبة ليا شيئ كبير، ولو اتكرر الموضوع تاني لازم هرجع اي حاجة الاقيها لاصحابها، وانا فرحان جدًا وفخور باللي انا عملته.

وقال أيمن سنجام، تاجر، ولد الطفل علي يتقدم بخالص الشكر لادارة النادي برئاسة النائب طارق عبدالهادي، علي التكريم لابني علي وعلي حرص ادارة النادي علي اظهار نموذج الامانه في موقف ابني، والحمد لله هو واخوه أدم طول عمرهم كده وده اللي ربتهم عليه، واضاف والدتهم ربه منزل عليها جزء كبير في متابعتهم اول باول ومعرفه اصحابهم وملاحظة سلوكهم في كل شيئ، وتكريم انهاردة من ادارة النادي وكل الناس من الجيران في الشارع بتشاور علي ابني على بموقفه المحترم يساوي كتير جدًا.