غادة إبراهيم:" أنا شخصية كاريزما وفيه نجمات مش عندهم حتى لو دفعوا ملايين الدنيا"

تحدثت الفنانة غادة إبراهيم عن تمتعها بالكاريزما، وقالت:" الكاريزما ملهاش علاقة بالنجومية ولا الفلوس ولا الأعمال، فيه نجمات كبار لا يمتلكوا الكاريزما ولو دفعوا ملايين الدنيا، مش هيبقى عندهم؛ لأن ده من عند ربنا".

وأضافت غادة خلال استضافتها ببرنامج “قعدة ستات” الذي تقدمه الإعلامية مروة صبري، على شاشة قناة “القاهرة اليوم”: أنا بلاقي لما بروح مهرجانات بره مصر الكاميرات بتاعت الأجانب بتلاحقني مش عارفين بقى دي سوبر ستار ولا صف تالت ولا صف عاشر، زي مهرجان مركاش كل المصورين فين فرنسيين، وطلعت ساعتها في 3 جرائد بطول الصفحات الصباحية والمسائية، وكان معايا في المهرجان ساعتها الفنان الراحل نور الشريف والكاتب وحيد حامد وعمالقة نحو 140 سينمائي، ولكن اختاروني الشكل الأقرب للمصري عشان دي رمز مصر.

غادة إبراهيم: لدي جذور مغربية

وتابعت غادة: أنا عندي جذور مغربية وشعبيتي وجمهور في المغرب أضعاف نحو 10 مرات من جمهور مصر.

كما كشفت غادة إبراهيم عن مواصفات فتى أحلامها قائلة إنها تتمنى أن يكون به العديد من الصفات الجيدة مضيفة: "عايزاه محترم وراجل وعنده نخوة، يحبني من قلبه بجد، ميبقاش بخيل لأن البخل بيقتلني وبكره الكذب اللي بيكذب هيقتل وهيزني وهينصب وهيعمل كل حاجة".

وقالت إنها قدمت دور الإغراء مرة واحدة فقط في فيلم "الإمبراطورة" مع النجمة نادية الجندي، معقبة: "دلوقتي ما أقدرش أقدم دور إغراء، ولادي وإخواتي كبروا".

كما تحدثت أيضًا عن فشل زيجاتها السابقة، وقالت: "وحياة ربنا لو زوجي ما قام بخيانتي، لكنا مستمرين لحد دلوقتي، أنا رمز للرومانسية والوفاء والحب، ولا أكره في حياتي إلا الكذب والخيانة".

وأكدت الفنانة غادة إبراهيم، إنها تستحق أن تكون في مكانة مهمة جدًا في المجال الفني، معقبة: "كل الناس بتقول غادة ممثلة تلقائية، المفروض أكون مكان نجمات كبار موجودين الآن".

ولفتت إلى أنها لم تخسر أي من صديقاتها بسبب الرجال، متابعة: "انا أخسر أي راجل في الدنيا عشان صاحبتي، ممكن الراجل يتعوض، لكن الصديقة لا تعوض".