أحمد زاهر: عمري ما فرضت بناتي على الوسط الفني.. وكنت خايف يفضحوني

تحدث الفنان أحمد زاهر عن دخول بناته ليلى وملك المجال الفني، ودور الفنان تامر حسني في دخول بناته للمجال الفني، كما رد على سبب عدم إنجابه لولد.

وقال زاهر خلال تصريحات تليفزيونية: طول عمري مش عاوز بناتي يدخلوا الوسط ولولا إصرار تامر حسني مكنتش وافقت عشان المهنة صعبة، خاصةً على الستات وصعبة نفسيًا ومواعيدها وحشة.

وأضاف: أحنا بنصور 26 ساعة متواصل مش تلت ساعات وبنصور في عز التلج وإحنا لابسين صيفي والعكس، أنا صورت 36 ساعة في مسلسل، وهات دكتور أو مهندس او قاضي أو أي مهنىة يقدروا يشتغلوا على رجلهم الساعات دي كلها أنا آسف ماحدش يقدر لأن شغلتنا أصعب مهنة في التاريخ.

وأضاف: عمري ما فرضت بناتي دخول الوسط الفني وتامر حسني هو اللي اكتشفهم ومربيهم على أيده وهو اللي قالي دول موهبين.

وأستكمل: قولت لتامر حسني وقتها أنا خايف عشان بيتقال عليا ممثل شاطر يفضحوني، ولكن هو رد عليا وقالي والله هما موهبين، ولكن هما بعد نجاحهم في عمر وسلمى بقوا بيتطلبوا في أعمال كتير وهما موهبين فعلًا، عشان كده كملوا والواسطة مش بتنفع.