عمرها ما حست بعظمتها.. مشهد «الرمي من الشباك» يكشف كيمياء خاصة بين روجينا وأحلام الجريتلي

استرجعت الفنانة روجينا، ذكرياتها مع الفنانة الراحلة أحلام الجريتلى، من خلال "بوست" مطول على حسابها بموقع التواصل الاجتماعى "إنستجرام".

وعبرت عن حزنها الشديد لفراقها وامتنانها للمشاركة بصحبتها فى مجموعة من الأعمال المميزة، آخرها مسلسل "البرنس"، حيث روت موقف جمعهما بأحد مشاهد العمل.

وقالت روجينا: "إنا لله وإنا إليه راجعون، الفنانة القديرة والأم الغالية أحلام الجريتليفيذمة الله، جمعتنا كواليس كتير وأدوار كانت فيها عظيمة يا أمييا حماتي،بأعمال مثل (سلطان الغرام) و(بين السرايات) والأسطورة) وأخيرًا (البرنس)".

وأضافت:" كنت بطمن معاها عشان كان عندها قلب بيحب الكل ودايمًا وأبدًا يجمعنا الحب ودايما عندها طاقة إيجابية وحب للتمثيل وكأن هى دى الحياة بتحب تحكى عن ذكريات الشغل وأدوارها اللى بتصورها".

وتابعت :"لما عملنا المشهد اللى بينا فى (البرنس) اللى بقولها: ها رميكى من الشباك. لما خلصنا قالتلى: شاطرة.. فقولتلها: عشان قدامى ممثلة عظيمة اسمها أحلام الجريتلى.. كانت عظيمة وعمرها ما حست بعظمتها".

واختتمت: "هتفضلى باقية بأدوارك اللى أثرت فينا وفى جمهورك وبسرتك الحلوة اللى اتعلمت منها أنك قبل ما تكون فنان الأهم تكون إنسان، الله يرحمها ويغفر لها ويسكنها فسيح جناته،أسألكم الدعاء بالرحمة والمغفرة لها".