"هطلعها فى بث مباشر قريبا".. عمر كمال ينفى وجود خلافات مع والدته

كشف الفنان عمر كمال عن حقيقة الأخبار المتداولة حول غضب والدته عليه، وذلك عبر حسابه الشخصي على موقع التواصل الاجتماعي فيسبوك.

وكتب كمال: "أى خطة ف حياتى مينفعش تتم بعيد عن ٢ طبعا ربنا قبل أى حاجة ثم أمى حبيبتى .. لان مهما عملت خطة لحياتك بعيد عن ربنا ومفيش توفيق يبقى الموضع هيبوظ .. ولو أمك غضبانة عليك يبقى مفيش بركة ولا فرحة ولا روح ف حياتك.

وتابع: "أنا مقدرش أعيش من غير أمى ورضاها .. معرفش ليه مواقع كتير كاتبة كلام للاسف مفيش أى حرف منه صحيح عنى وعن حياتى الشخصية وعن امىوأنها قد أيه غضبانة عليا وكلام كتير بيأذينى ويأذيها.

واختتم: "ياريت الناس تراعى ربنا ف أخبارها وكلامها .. أنا مليش غير أمى وأخواتى وزعل أمى بيزعلنى جدا فا بعد أذنكم يا جماعة ياريت بلاش حوارات كدابة واخبار غلط و ان شاء الله قريب هطلع مع أمى فى بث مباشر تسلم عليكم ونتكلم معاكم يا ناس يا محترمة".