جبر الخواطر على الله.. شبيه محمد صلاح يستضيف عامل نظافة واقعة كشري التحرير في حلوان

استضاف محمد نبيل الشهير بـ «محمد صلاح الغلابة» تحديدا في منطقة حلوان شرق القاهرة، مساء اليوم الخميس، الشاب محمد عادل الشهير بعامل نظافة كشري التحرير، موضحا أنه أصر على تقديم الواجب لـ «عادل» بعد تعرضه للموقف المسيئ بطرده من أحد المحلات الطعام بسبب وظيفته.

وقال محمد نبيل، لموقع بصراحة الإخباري، «أول ما شوفت واقعة كشري التحرير والتنمر على عامل النظافة أصريت أكلمه أعزمه عندي في المنطقة عشان كلنا ولاد تسعة وجدعان وبنحب بلدنا وحلوان كلها اتشرفت بمحمد إنه يبقى في وسطها كبار وصغيرين لإنه واحد مننا غلبان»، مضيفا «وطبعا الموقف بتاع المطعم مكنش يصح لإن في النهاية كلنا واحد إيه ياعني لما يبقى لابس لبس زبال ما هو ده اللي بيشيل الزبالة الي أنت بترميها ولازم تحترمه عشان هو إنسان».

ووجه نبيل، انتقادا شديد اللهجة لمطعم كشري التحرير، قائلا «عايز أقول للي طرد محمد ياعني خلي في قلبك رحمة عشان ربنا يزيدك ويرزقك حس بالغلبان .. لا قدر الله ممكن في لحظة تبقى زيه بسيط مش لاقي تاكل».

وأوضح محمد صلاح الغلابة، أنه تواصل مع عامل نظافة كشري التحرير من أجل جبر الخواطر، قائلا «أنا اتبسطت بيه جدا وهو وسط بيتي وعائلتي حتى أولادي كانوا فرحانين واتصوروا معاه.. وعايز أقوله مش عايزك تزعل وأنت تشرف أي حد».