كلنا تربية ستات.. سهير جودة ترد على والد حسام حبيب بعد مهاجمته لـ نجله

علقت الاعلامية سهير جودة، على جملة «انت تربية ست» الذي حاول والد أحد المطربين معايرة نجله، وهي المقصود بها التقليل من شأن الشخص، مؤكدة: «مين فينا مش تربية واحدة ست، كلنا تربية ستات، لو الولاد تربيتهم نجحت يبقوا تربية الراجل، ولو التربية فشلت تبقى واحدة ست».

وأضافت سهير في برنامجها الذي يحمل اسم «الستات»، والمذاع عبر فضائية «النهار»، قائلة: «المجتمع هو اللي فرض على الست هذا الدور، وبطبيعتها وبفطرة ربنا فرض عليها هذا الدور ، فاحنا كلنا تربية واحدة ست بس ثقافة مجتمعنا».

وأشارت سهير: «شوفت مفارقة من الستات هنا لما ابنها بيروح يتجوز بنت فمتلاقيش ابوها فتقولوا لأ متتجوزهاش دي تربية واحدة ست، والفكرة دي خديعة مجتمع والناس صدقتها».

وأكدت: «ابن أمي وأفتخر دع أي راجل طبيعي يقول كده، كلنا تربية واحدة ست، وتربية الست دي لازم تتشفر من القاموس المجتمعي، والمفروض تستخدم بالشكل الايجابي باعتبارها تكريم واعتزاز وشرف، مش معايرة، كلنا تربية ست سواء كان الاب حاضر أو غائب».