محمد رمضان: يوجد محاولات لاغتيالي معنويا.. ومحدش من زملائي بيحاربني لأنهم كده هيحاربوا دبابة بنبلة

تحدث الفنانمحمد رمضان، عن الحرب الموجودة ضده في الآونة الأخيرة على مواقع التواصل الاجتماعي، مؤكدًا أنها حربًا ضد نجاحه، بجانب الحديث عن طموحاته وهمومه.

وقال محمد رمضان في تصريحات تلفزيونية: أنا معرفش مين أعدائي لأني مش بحاول أعرف هل هما جماعات أو كيانات أو أفراد، المهم إني أكون مأمن نفسي وأحلامي كويس والحروب دلوقتي أصبحت معنوية، ويوجد محاولات لاغتيالي معنويا وفي بداياتي كانت فاكر اللي بيحاربوني زملائي في مجالي، ولكن اليوم أنا بنفي تماما وجود حرب من زملائي لأنهم كدا بيضربوا دبابة بـ نبلة ومفيش توافق بيننا، واللي بيضربني أكيد أكبر من كده.

وأضاف محمد رمضان: أنا مهموم بطموحي، وكلمة مهموم مش قصدي بها المعنى المتعارف عليه ولكن طموحي ملهوش حدود ومحققتش 1% منه، وأنا عمري ما كنت مغرور لأن الغرور والطموح لا يجتمعان بشخص واحد ولما جمهوري بيقرب ليا أنا بقرب له، وواثق في الله وإني أقدر أحقق أي شيء.