بعد مفاجأة عيد ميلاده.. عمرو أديب لفريق برنامجه: «انتوا ضهري وسندي»

توجه الإعلامي عمرو أديب، بالشكر لفريق عمل برنامجه بعد مفاجأته في عيد ميلاده، موضحا أنه محظوظ جدا بالعمل مع هذا الفريق، فهم بمثابة أهله وأصدقائه.

رسالة عمرو أديب لفريق برنامجه

قال “أديب” خلال احتفال فريق برنامج “الحكاية” المذاع عبر شاشة “mbc مصر”، بعيد ميلاده من كواليس حلقة أمس: “كل سنة الواحد مبيبقاش عارف هيوصل للسنة اللي وراها ولا لأ مبتكلمش على الصحة بتكلم عن الشغل بس بصراحة أنا مبسوط إني بشتغل معاكم محظوظ إن أنتوا الناس اللي في ضهري، وأنكم رافعين راسي دايما”.

أشار: “اليوم ده مبعتبروش عيد ميلاد زي ما بعتبره فرصة أشوفكوا كلكم، أنتم أهلي أنا مليش صحاب أو شلة فأنتوا شلتي وسندي وبنبسط وأنا معاكوا.. أغرب حاجة هقولها لكم أنا مبعرفش اتكلم لكن أنا سعيد ومبسوط”.

في سياق آخر، علق الإعلامي عمرو أديب، على تحدي “كتم الأنفاس” المنتشر في تطبيق “التيك توك”.

قال “أديب” خلال تقديمه لبرنامجه “الحكاية” على شاشة “mbc مصر”، إنه كارثة حقيقية، مشيرا إلى ارتفاع نسب الوفيات بسببه في الخارج.

أردف: “وانتقل إلى الطلبة المصريين، كارثة حقيقية، ماذا نفعل، إيه اللي بيجرى ده، الوفيات برة بيعدوا كل يوم قد إيه ماتوا، الجهات الرسمية المصرية أصدرت بيانات أنه موجود في المدراس، لعبة الموت”.