حملة دعم واسعة لـ عامل النظافة بعد واقعة مطعم الكشرى.. أحمد العوضى عزمه على أكلة سمك.. ومى حلمى تدعو لاستضافته فى دبي.. وحمو بيكا يسانده: معاك في أي حاجة محتاجها من الألف للياء وليك عندي مفاجأة كبيرة

ساند مؤدي المهرجانات حمو بيكا، عامل النظافة صاحب واقعة مطعم الكشري الشهير، ونشر صورة له عبر حسابه الخاص بموقع التواصل الإجتماعي «فيسبوك».

وكتب حمو بيكا عبر صفحته: “محمد الجدع و ياريت يكون ده اسم شهرتك في الدنيا بعد كده ، عشان انت جدع بجد و تستاهل كل خير ، و رسالة من اخوك حمو بيكا ، انا معاك يا حبيبي في اي حاجه محتاجها في حياتك من الألف إلى الياء ، و ماتشغلش بالك ب اي حاجه ، احنا كلنا في ضهرك و مش هنسيبك لانك مثال للإنسان الشقيان و طالع عينه في الحياة عشان يجيب الجنية بعرق جبينه ، ربنا يوفقك في حياتك و اتمني اشوفك قريب و ليك عندي مفاجأة كبيرة اوي و إن شاء الله تعجبك يا حبيبي يا جدع ».

كان مقطع فيديو، انتشر أمس الأول الجمعة عبر صفحات التواصل الاجتماعي يوضح رفض إدارة فرع مطعم كشري، جلوس أحد عمال النظافة داخل صالة المطعم، وهو ما لاقى انتقادات موسعة لهذا التصرف عبر السوشيال ميديا.

وعلقت الإعلامية مي حلمي، في منشور لها في حسابها الموثق بموقع التواصل "فيسبوك": "حد يوصلني بالراجل الجدع ده، هسفره دبي على حسابي وهحجزله في أغلى مطعم عشان هو بني آدم ويستحق".

وأضافت: "الراجل بيشتغل شغلانة شريفة وبينضف ورانا قرفنا، ما أجرمش يعني عشان عاوز ياكل، أرحمو ترحمو، اتمنى توصلوني بيه ويقبل عزومتي"، قائلة: "إللي يأمر بيه هنفذه كفاية أنه أنضف مننا كلنا وبيشيل ورانا قرفنا وبدلته أنضف من ميت بني آدم نفسه مش سوية، كلنا واحد".

كما وجه الفنان أحمد العوضي، رسالة لعامل النظافة الذي تم طرده مؤخرا من كشري التحرير بسبب ملابسه.

ونشر أحمد العوضي، عبر حسابه الرسمي بموقع التواصل الاجتماعي "فيسبوك"، صورة عامل النظافة صاحب واقعة كشري التحرير، وعلق عليها، قائلة:"متزعلش يا اخويا، انا اخوك ولو اعرف مكانك هاجي اخدك وناكل احلى اكله مع بعض".

وانتشرت صور للعوضى وهو يعزم عامل النظافة بأحد المطاعم على “أحلى أكلة سمك”.