ياسمين عز ترد على منتقديها: خليهم يتبسطوا.. في ناس ربنا حباهم البرود الشديد زيي

حرصت الإعلامية ياسمين عز قالت مقدمة برنامج كلام الناس الرد على منتقديها بسبب تصريحاتها في الفترة الأخيرة والتىأثارت الجدل خاصة من السيدات بسبب دفاعها عن الرجل, مؤكدة أنها لا تهتم بالانتقادات التي توجه لها.

وتابعت“ياسمين” خلال استضافتها للإعلامية أميرة عبد العظيم في حلقتها ببرنامج كلام الناس: “خليهم يتبسطوا، أنا دايمًا أقول طالما مبسوطين فداهم أي حاجة، أنا مش متضايقة وبحبهم أوي، اللي بيكتب ده سواء بيفرغ أو بينفس حتى لو هيقول نقد وهيريحه أنا مبسوطاله انه مرتاح, أنا بقدم مادة مفيدة وممتعة، لكن أنا أبدًا مازعلش منهم، بالعكس أنا بحب الستات اللي ممكن تناقرني، لكن اللي تقولي انت صح تلاقيني مش صاحبتها، أنا بحب المناقرة جدًا”.

واستكملت ياسمين عز:“أنا فاهمة السوشيال ميديا خلاص، في ناس ربنا حباهم البرود الشديد زيي الحمد لله، وفي ناس بيكونوا أكثر حساسية, الناس الأكثر حساسية مش بيشتغلوا شغلانتنا، لا يمتهنوا مهنة الإعلام حاليًا، أنا بقول الحاجة وأتوكل على الله واسترها يارب”.