رضوى الشربيني تعلق على واقعة عروس الإسماعيلية: فين حق الست في الدين يا عدماء الكرامة

علقت الإعلامية رضوى الشربيني، على حادث عروس الإسماعيلية التي آثارت جدلًا واسعًا أمس، بعد تحريرها محضر ضد زوجها بسبب ضربها وحبسها.

وقالت رضوى الشربيني في تغريدة لها عبر حسابها الشخصي بموقع التغريدات القصيرة “تويتر”: أسمع بقى صوت أي حد مهزأ بيقول للست اتنازلي علشان تعيشي.. البيت بيتبني على المودة والرحمة اللي ربنا قال عليهم.

وواصلت: مش على التنازل والإهانة يا عدماء الكرامة، حق الست في الدين والشرع والقانون إنها تعيش حياة كريمة، وللأسف وصلنا من الجهل والرخص إنها لما تتطالب بحقوقها تبقى بتخرب بيتها.

أول تصريح لـ اسرة عروس الإسماعيلية

من جانبه كانت قد كشفت أسرة عروس الإسماعيلية عن تفاصيل جديدة في تحرير العروسة محضرًا ضد زوجها، بعد ضربها وحبسها وذلك في أول تصريح لموقع “بصراحة الإخباري”.

وقالت عمة العروس: إحنا عملنا محضر ضده ولسا طالعين من القسم، ومش هنسيب حقها وهنفضل وراها وهنعمل تقربر طبي لانها فعلا مضروبة.

وواصلت: مها كانت محبوسة، وفيها آثر ضرب كبير في جسمها، وفي عينها في نزيف داخلي على الشبكية، واحنا دلوقتي مستنين الإشاعة وبنعمل التقرير الطبي ومش هنسيب حقنا.