إلهام شاهين تطالب الدولة بإضافة خانة للتبرع بالأعضاء في البطاقة الشخصية

طالبت الفنانة إلهام شاهين، الدولة بوضع خانة خاصة في البطاقات الشخصية للتبرع بالأعضاء بعد الوفاة.

وقالت إلهام شاهين في فيديو لها عبر حسابها الشخصي بموقع “انستجرام”: أعلن تبرعي بكل أعضاء جسدي السليمة بعد وفاتي لمن يحتاج لها، لأي إنسان محتاج قلب، كلى، كبد، قرنية أو رئة.

وواصلت:ممكن تفيد ناس كتير مش شخص واحد، لأن الجسد هيفنى وينتهي وياكله الدود ويبقى في التراب لكن بالتبرع بنعمل خير وبنبقى أكتر إنسانية وبنخفف على الآخرين، وأكيد مفيش حد بيطول عمر حد، والعمر له وقته ومكتوب، لكن على الأقل بنخفف عن غيرنا الألم وبنحميهم من الحياة التعيسة والأدوية الكتير.

واضافت:أتمنى ننشر هذه الثقافة والوعي الإنساني المهم،سألت شيوخ كتير مستنيرين وقالوا لي حلال، وإنهم معلنين ومتبرعين بأعضاء جسدهم، ويا ريت كل إنسان مستنير وبيحب الإنسانية والخير يعمل كده، ويا ريت الدولة تعمل خانة في الرقم القومي يكون مكتوب فيها أنا متبرع، أو موافق.

وأختتمت إلهام شاهين قائلة:علشان لما يموت حتى لو أهله ما عملوش ده الدولة تستفيد وتاخد الجثمان، ولازم يكون عندنا بنك لزراعة الأعضاء لمن يريد، ويا رب نقدر كلنا نعمل خير وننشر الحب والمعاني الإنسانية الجميلة.