«لسة راجعين من راحة».. خالد الغندور يرد على جماهير الأهلي بعد خسارة الزمالك

رد خالد الغندور، نجم الزمالك السابق، على سخرية جماهير النادي الأهلي من خسارة الفريق الأول لكرة القدم بنادي الزمالك أمام الهلال السعودي، في بطولة سوبر لوسيل.

وكتب خالد الغندور، عبر صفحته الرسمية على موقع التواصل الاجتماعي «فيسبوك»: «أنا كسبت الهلال في السعودية 2 وأنت كسبت الهلال 4 وأنت اتعادلت مع الهلال وأنا لسه جاي من راحة واتغلبت ضربات جزاء تروح تتريق حضرتك إنك كسبت الفريق ده 4 من غير ما تقول إنك كنت بتلعب 11 ضد 9 فكرني بالظبط إن الـ7 أكثر من الـ9 في البطولات».

تعليق شيكابالا على مباراة الزمالك والهلال

علق محمود عبد الرازق شيكابالا لاعب نادي الزمالك، على خسارة كأس سوبر لوسيل أمام الهلال السعودي، قائلًا: "كان ممكن نبقى أحسن بس الدوري خلص متأخر والراجل كان لازم يعطي اللاعبين إجازة والراحة أثرت علينا لأننا اتمرنَّا 6 أيام بس".

وتابع خلال تصريحات تليفزيونية بقناة “أون تايم سبورت”: "لو كنا جاهزين كنا ممكن نبقى أحسن من كده.. اللاعيبة بني آدمين ولازم يريحوا والسنة اللي فاتت ما ريحناش وإن شاء الله نستعد ونرجع أقوى من الأول".

وأضاف: "كان نفسنا نسعد جماهيرنا ونفرحهم بس هي دي الكرة والفرقة الأحسن هي اللي كسبت لإن هما الأجهزه وبنقولهم مبروك".

ولفت: "قلت للاعبين نرفع راسنا واحنا البطل ولازم نعمل فترة إعداد كويسة علشان نرجع أحسن من الأول ونكسب البطولات اللى جاية، الهزيمة درس علشان اللاعيبة تفوق وتبقى في أحسن أداء".