محمود المهدي: أنا عمري ما استغليت منة عرفة ولو كنت عايز كده كنت عملت 3 حاجات |خاص

كشف الفنان محمود المهدي، حقيقة استغلاله للفنانة منة عرفة كما تم تداوله في فترة زواجهما، مشيرًا إلى أنه لم يستغلها كما تداول، وأنه يحترمها ويُكن لها كل التقدير.

وقال محمود المهدي في تصريح خاص لـ”بصراحة”: أنا من أول ما ظهرت وهو بيتقال إني بهتم بالشهرة، ولو بهتم بالشهرة كان ممكن استخدم أساليب كتير اشتهر بيها، الشهرة دلوقتي مفيش أسهل منها ولو عايز اشتهر كنت استغليت منة، كنت اطلع في فيديوهات معاها، وقنوات ولقاءات، وكانت بصورة واحدة بس اطلع بيها تريند معاها.

وواصل: فموضوع الشهرة مش صعب، انا داخل الوسط الفني عشان الشهرة، ومنة أنا عرفتها في طريقي للوسط الفني، ويوم ما ارتبطنا طلبت من منة متقولش مين خطيبها، عشان ميقولوش خطبها عشان الشهرة، ومنة ليها فضل عليا كبير.

انفصال محمود المهدي ومنة عرفة

جديرًا بالذكر كان قد أعلن الفنان محمود المهدي مؤخرًا طلاقه من الفنانة منة عرفة، وذلك عبر خاصية الاستوري بحسابه الشخصي بموقع التواصل الاجتماعي “انستجرام”، وكتب:تم الطلاق خلاص للأسف كان فيه خيانة وعديتها وأضحك عليا في أول الجوازة وقتها علشان أحافظ على بيتي سكت وغير أمها سبب خراب البيت بسبب الفلوس عشان هيا اللي بتصرف عليها وبسبب أني كنت رافض تشتغل في المجال ده وأمها مكنش عندها مانع تتنازل في المجال مقابل الفلوس.