محمد الصغير يكشف كواليس «الرجل الأبيض المتوسط»: أحمد آدم مسك أيديا وقالي أنت حقيقي ولا لعبة

كشف الفنان محمد عيد الصغير كواليس مشاركته في فيلم “الرجل الأبيض المتوسط”، مشيرًا إلى أن أحمد آدم مازحه كثيرًا في العمل، ولكن من وقتها لا يشارك في أعمال فنية.

وقال محمد عيد خلال لقائه مع الاعلامي محمود سعد:استخبيت لاحمد آدم في الدولاب فمسك أيديا وقالي أنت حقيقي ولا لعبة.

وعن التنمر على قصر قامته، قال محمد عيد:أنا مخلص ثانوية عامة، وقابلني كتير مواقف بايخه في حياتي ولكن أنا مبهتمش بالحاجات دي، ومعتش بزعل زي الأول من الناس اللي بتسخف، ومقدم على عربية دلوقتي عشان قدراتي.

قلة مشاركة محمد عيد في أعمال فنية

من جانبه كان قد أعرب الفنان محمد عيد الصغير، عن استيائه الشديد، بسبب قلة مشاركته في أعمال فنية، مشيرًا إلى أنه لا يعرف غير العمل بمجال الفن، نظرًا لجسده.

وقال محمد عيد خلال لقائه مع الاعلامي محمود سعد: أنا زعلان ومضايق ودلوقتي عايش مع أخواتي، وقلة مشاركتي في أعمال فنية جايبلي اكتئاب ومضايقني، ومفيش حد دور صغير كله نساني باين، من أيام الرجل الأبيض المتوسط،النقابة مش بتديني فلوس، ومفيش دخل داخلي.وواصل: أنا بشتغل في الكلاب واربيها، عشان اكسب منها،بقول لشركات الانتاج أنا موجود أنتوا ركنتونا كلنا، ومشتاق للتمثيل لأنه مجالي، ودلوقتي عايش على معاش والدتي اللي هو 500 جنيه ومش بيكفيني أنا بصرف كتير.

وأضاف:أنا مخلص ثانوية عامة، وقابلني كتير مواقف بايخه في حياتي ولكن أنا مبهتمش بالحاجات دي، ومعتش بزعل زي الأول من الناس اللي بتسخف، ومقدم على عربية دلوقتي عشان قدراتي، ومفيش شغلانه تانية غير التمثيل جسمي ميسمحش بشغلانه تانية، وكرهت الجواز.