بعد أزمتها مع ابنتيها.. زوجة شريف منير: بقول للمتطرفين دينيًا روحوا ناقشوا تطرفكم في حته تانية

ردت الفنانة لورا عماد، على الانتقادات التي وجهت لها في الفترة الأخيرة، بعد منشورها التي وجهت فيها رسالة لـ ابنتيها “كاميليا وفريدة”.

وكتبت لورا عماد عبر حسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”:شكرًا لكل من دعمني نفسيًا وحس بإحساس الأم، وبقول للقلة القليلة عديمي الإنسانية، أن تعليقاتكم ما كانت سوى شوية تراب في الهوا.

وواصلت:أنا قررت أشيل البوست لأن مش هسمح أن صفحتي تبقى ساحة لبعض المتطرفين دينيًا، وبقول روحوا ناقشوا تطرفكم في حتة تانية.

رسالة قاسية من زوجة شريف منير لـ ابنتيها

من جانبه كانت قد وجهت لورا عماد زوجةالفنانشريف منير، رسالة عتاب قاسية لابنتيها بسبب بعدهم عنها، وذلك عبر فيديو بحسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”.

وقالت لورا عماد:رسالة إلى بناتي فريدة وكاميليا بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتيروكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي.

وواصلت: بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام.

وأختتمت لورا عماد:بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي.