«اقسم بالله أنا ما أعرفه».. هند سعيد صالح ترد على اتهام شاب لها بالتبرج وارتباطها به

أعربت هند نجلة الفنان سعيد صالح، عن استيائها الشديد، من اتهام شاب لها بالتبرج، وأنه صديقها، مشيرة إلى أنها لا تعرفه ولم تراه من قبل.

وكتبت هند سعيد صالح عبر حسابها الشخصي بموقع فيسبوك:اقسم بالله أنا ماعرفش مين الشخص دا ومافيش بينى وبينه صديق واحد يوحد ربنا، وماعرفش دا دخل معهد سينما إمتى ومافيش بيني وبينه صديق مشترك واحد دا لو دخل قبلى أو بعدى كنت هعرفه لأن المعهد كله من يوم ما فتح أوضة وصالة.

وواصل:حضرتك عايز تقول إيه من البوست دا؟ إن ربنا هداني بعد ما كنت عايشة حياة كفار الجاهلية؟ هو لا أنت ولا غيرك مطلوب مني أبرر لهم تصرفاتي ومع ذلك أقسم بالله أنت راجل كداب من أول البوست لآخره.

وتابعت: ومش بس كداب أنت وقح وبجح كمان عشان تكتب بوست زي دا وكلك ثقة لدرجة إنك سايبه بابليك وفاتح التعليقات.. على قد ما دعيت عليك على قد ما بشكرك على الحسنات اللي أخدتها منك من غير ما أبذل أي مجهود.