اللي مالوش خير في أمه ملوش خير في حد.. زوجة شريف منير توجه رسالة عتاب قاسية لابنتيها

وجهت لورا عماد زوجةالفنان شريف منير، رسالة عتاب قاسية لابنتيها بسبب بعدهم عنها، وذلك عبر فيديو بحسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”.

وقالت لورا عماد:رسالة إلى بناتي فريدة وكاميليا بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتيروكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي.

وواصلت: بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام.

وأختتمت لورا عماد:بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي.

شريف منير يلغي متابعة ابنته

من جانبه كان قد ألغى الفنان شريف منير متابعته لإبنته أسما شريف منير على موقع تبادل الصور «الانستجرام» وعلى الجانب الآخر، قامت أبنته بإلغاء متابعته، مما جعل الكثير من رواد التواصل الاجتماعي يُعلق على انه يوجد خلاف بينهما.

وقال الفنان شريف منير في تصريحات خاصة لموقع «بصراحة الإخباري»: «إنه لا يصح التدخل في شؤني العائلية، ولا يجب التقرب من بيتي ولا عائلتي، ونحن بنأدمين مثل الباقي».

وأضاف شريف منير: «دي حياتي الشخصية أنا وبنتي عيب أن حد يتدخل ويعلم ما يحدث فيها، وده مش من حق أي حد».

وأكد منير خلال تصريحاته: «أنا مفيش بيني وبين أسما أي حاجة، أنا موبايلي كان بايظ، وساعات بنت بنتي بتلعب في الموبايل».