كريم الحسيني يعلق على اختيار خالد محمود في «سلطان الديب»: ده يحسب لأحمد العوضي

علق الفنان كريم الحسيني على اختيار الفنان خالد محمود للمشاركة في مسلسل «سلطان الديب»، بطولة الفنان أحمد العوضي المقرر عرضه بالموسم الرمضاني القادم 2027، مؤكدًا أن الاستعانة بنجم بحجم وخبرة خالد محمود أمر يُحسب لفريق العمل، خاصة عندما يبادر بطل العمل بالتواصل معه وتقديره.

وكتب كريم الحسيني، عبر حسابه على موقع التواصل الاجتماعي «فيسبوك»: اللي يعرفني كويس هايعرف اني مش منزل البوست ده عشان أطبل لـ أحمد العوضي،  بس هو التصريح مكتوب بشكل غريب، فحبيت أقول رأيي لاقيت ناس كاتبه بقينا في زمن النجم فيه هو اللي بيختار الممثل مش المخرج . 

وأضاف: حابب بس أرد عليه  أيام الأستاذ نور الشريف والأستاذ عادل إمام والجيل الذهبي ده، لما النجم والمخرج والمؤلف وشركة الإنتاج بيتفقوا إنهم يجيبوا ممثل مُخضرم وخبره في دور ، فتلاقي النجم هو اللي بيبادر ويكلم النجم الخبره ده، ودي بتبقي لافته حلوه منه وتقدير للنجم الخبره ده . 

وتابع: فلما بطل العمل ونجمه أحمد العوضي يكلم الأستاذ خالد محمود الخبره وده راجل نجم كبير من يومه من أيام فيلم شاويش نص الليل ، ده شيئ يُحسب للعوضي ، لأنه ببساطه لما جهة الإنتاج يكلموه ويقولوا له عايزينك تشرفنا في مسلسل من بطولة أحمد العوضي هاتبقي تمام برضه. 

وأشار:  لكن لما نجم العمل هو اللي يكلمه يبقي أكيد تقدير منه .. وده أكيد عوضي إتعلمه من أستاذ نور الشريف وغيرهم من الجيل الذهبي،  والسؤال هنا !!؟؟ هل نجم العمل هايكلمه من نفسه ، ولا هايعمل كده بعد تشاور واتفاق بينه وبين المخرج والمؤلف والمنتج.

واختتم:  ، أكيد بعد الاتفاق  إذن التصريح هنا مش موفق يغلط العوضي ويقلل من قيمة نجم بحجم خالد محمود، عشان كده قولت أقول كلمة حق مش أكتر، كل التوفيق للنجم الخبره خالد محمود وكله الدعم له ولجيله اللي علمنا كتير ، وكل التقدير لأسرة المسلسل من أصغر لأكبر واحد

عودة خالد محمود للدراما 

ويعود خالد محمود إلى الدراما من جديد من خلال مسلسل «سلطان الديب» مع أحمد العوضي، بعد فترة من الغياب عن الأعمال الدرامية وانشغاله خلال السنوات الماضية بالمسرح.
وقال خالد محمود لـ«بصراحة» إن أحمد العوضي هو من تواصل معه للانضمام إلى العمل، موضحًا: العوضي ابن ناس ومحترم، وهو اللي كلمني عشان أشتغل معاه، وقالي هرجعك للدراما بشكل يليق بيك.

وأضاف: العوضي ده إنسان قبل ما يكون فنان، حاسس بزمايله، ومكالمته ليا بالدنيا كلها، وأنا مقدر جدًا إنه فكر فيا وتواصل معايا بالشكل ده، انشغلت بالمسرح ورفضت أعمالًا خلال الفترة الماضية.

وختتم: خالد محمود أنه كان منشغلًا خلال الفترة الماضية بالمسرح، مشيرًا إلى أنه عُرضت عليه مجموعة من الأعمال الدرامية، لكنه اعتذر عنها، لأنه كان يرى أن عودته يجب أن تكون من خلال عمل يليق بتاريخه.

عودة للدراما بعد 15 عامًا

وأكد خالد محمود أن عودته إلى الدراما مع «سلطان الديب» تمثل عودة حقيقية بعد غياب استمر نحو 15 عامًا، معربًا عن سعادته بالعمل مع أحمد العوضي وفريق المسلسل.