"معلش حقك عليا يافرفر".. فريدة سيف النصر  تواسى نفسها

واست الفنانة فريدة سيف النصر نفسها لما لاقته من معاملة سيئة تجاهها، من خلال منشور كتبته عبر حسابها الرسمي لجمهورها ومتابعيها، بموقع التواصل الاجتماعى" فيسبوك".

وقالت:"سبحان الله..في ناس والله العظيم لما تتصل بيهم جبر خاطر وعامل لهم قيمه علشان طرف الحبايب..ولله في الله..من طريقتهم تحس عايز تقلع البرطوشه القديمه وتضرب ايدك اللي طلبتهم .معلش حقك عليا يافرفر.

وعلى جانب آخر، أعربت الفنانة فريدة سيف النصر، عن استيائها الشديد، من الهجوم الأخير على نجوم الفن، لافته إلى أن نجوم الفن فاتحين منازل 14 مليون من المصريين.

وكتبت فريدة سيف النصر عبر حسابها الشخصي بموقع التواصل الاجتماعي فيسبوك: أنا زعلانه علينا كلنا.. المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟، ليه بنستخبي ورا شاشات وتنزل نحر رقاب بعض، الكلمة القاسية بتذبح، بقينا نكديين منعرفش نفرق بين جد وهزار.

وأضاف: كله عايز يتخانق مع كله.. إيه ده، كل يوم يعاملوك بوش أو حسب المصلحة، في إيه بعض الناس ماسكين الفنانين وكأن في تار بلا أسباب، دي عجزت ودي كرمشت ودي غيرت دينها، وده دمه تقيل وده كبر في السن لكن بيغني، وده بيرقص كونغرو، وده اتكسح ودي روحي موتي كفايه.. مالكم في إيه بجد.

وواصل: هما الناس دي ما أسعدتكمش أعمالهم فترات من الزمن؟، طيب بلاش أنت مابتحبيش فلان غيرك بيحبه، في إيه يا جماعة تحسوا مخطط لهدم الفنانين القوى الناعمة، اللي فاتحين بيوت 14 مليون متخيلين، كل المهن شغالة معانا تحت أيديهم كام عامل، وأسطى كل واحد فيهم عنده أهل وزوجه، وأطفال وفي اللي جوز ولاده وعندهم بيوت مفتوحة.

وأختتم فريدة سيف النصر قائلة: بتحاربوا تمن عدد البلد في أكل عيشهم، اقرأوا كده المسلسل بيكتب ناس قد إيه عِمالة في العمل، كفاية هد في الفن، الوحش انقدوه بأدب والكويس شجعوه، إنما تهزأوا فنانين كبار ليه يعني، على فكره أنا عارفة إنها لجان مستهدفة الفن المصري، والفن عمومًا ما هو العربي بيصب هنا.. هاه قرروا إيه.. هنشتم من ورا الشاشة، ولا هنقول كلام نصح حلو يا باشا.