احتجاز 5 مصريين في ليبيا بسبب المخابز.. والأهالي: عاوزين ولادنا (فيديو)

معاناة يعيشها 5 أسر في محافظة كفر الشيخ، بعد احتجاز 5 مصريين في ليبيا بسبب مخالفات على المخابز.

وقال مختار عبد الحميد، والد أحد المحتجزين في ليبيا خلال لايف موقع بصراحة: "فوجئت أن ابني محبوس في ليبيا، قبضوا عليه ظلم، كان على تواصل مستمر معايا، بنسأل عليه قالوا في السجن، قبضوا عليه هو وكل اللي معاه، منعرفش خدوه ليه، شغال في مخبز، بيقولوا قبضوا عليه عشان الدقيق مسرطن، طب دي قلة نظافة، المفروض صاحب الفرن هو اللي يتمسك مش ابني الغلبان، طالع عشان ياكل عيش ويتجوز، معرفش ابني فين ومفيش اتصال بيني وبينه معرفش مصيره إيه دلوقتي، محدش بيوديله لا أكل ولا شرب".