«علاقتي تحسنت بربنا بعد ما اتعفيت».. هدى المفتي تكشف تفاصيل جديدة حول إصابتها بالجلطة

كشفت الفنانة هدى المفتي لأول مرة عن تفاصيل جديدة حول إصابتها بـ الجلطة وإصابتها بكورونا بعد أن ذهبت إلى مهرجان الجونة السينمائي.

وقالت المفتي خلال لقائها مع الإعلامية منى الشاذلي، في برنامج «معكم» على شاشة «سي بي سي»: «أنا من الناس اللي رجعت من الجونة بكورونا، كنت أول الناس اللي جالها كورونا في مصر، وخلصت الكورونا ومخدتش أدوية كورونا جالي جلطة، ومكنتش أعرف كنت بحس بحرقان وحاجات غريبة بتحصل، كنت افتكر أن حاجة جتلي في القلب»

وأضافت: «في رأس السنة روحت مع واحدة صحبتي أسوان وتعبت تعب جامد أوي وقطعت الإجازة ورجعت بطيارة ودخلت المستشفى والدكاترة مكنوش يعرفوا عندي أي وبطني بتتنفخ بشكل ملحوظ أوي ووجع مميت جوا، وقررو يفتحوا بطني وطلع أنا جالي جلطة من الوريد اللي بيوصل دم للأمعاء، واستأصلوا جزء من الأمعاء».

وأنهت: «وفضلت في العناية المركزة وقت طويل واتبهدلت أوي وتجربة مش سهلة، ومن الحاجات اللي علمتني حاجات كتير في حياتي ، وعلاقتي بربنا اتحسنت أوي بعد الموضوع ده، ومن كتر الأدوية اللي كنت باخدها كنت بنسى اللي حواليا، ومتكلمتش عن التجربة دي».