دى مش درجاتي وعايزة حقى.. انهيار أسرة الطالبة «ماهيتاب» بعد حصولها على 44% بالثانوية العامة (فيديو)

تبدل القلق إلى حزن في منزل "ماهيتاب" طالبة الـ44% بمنطقة حلوان، بعد سقوطها في امتحانات الثانوية العامة.

قالت ماهيتاب خلال لايف موقع بصراحة: "دى مش درجاتى وعايزة حقى، تعبي كله راح وشيلت مادتين الفيزياء والأحياء، وكنت واثقة أني هنجح وهعدي 91% لكن اتدمت وأغمى عليا ومحستش بنفسي غير وانا في المستشفى، لحد يوم النتيجة وأنا واثقة أني هعدي 90%، كنت عايشة في رعب وقلق وتعبت نفسيا بسبب انتظار النتيجة، ولحد الإعدادية كنت بطلع من الأوائل، السيستم كان بيقع في الامتحانات وناس بتغش، إزاي ناس تطفح الدم تسقط وناس بتغش هي اللي تنجح".