أجيبلكم فلوس منين.. أشرف زكي يرد على معاناة نجوم الفن من سوء الحالة المادية

رد الفنان أشرف زكي نقيب المهن التمثيلية، على نجوم الفن الذين ظهروا مؤخرًا في لقاءات تلفزيونية، وكشفوا عن معاناتهم من ضعف الحالة المادية.

وقال أشرف زكي خلال مداخلة هاتفية ببرنامج “حضرة المواطن”:إحنا كنقابة لا نتأخر على أحد، ولما فنان يطلع يقول المعاش ضعيف، في نقابات معاشها 50 جنيه، وتقدمنا بمشروع قانون لتعظيم المعاشات لكن للأسف تم رفض القانون، وننتظر شهر أكتوبر لنعيد عرضه مرة أخرى.

وواصل:الفنان سيف عبد الرحمن لما يقول معاش النقابة 700 جنيه إحنا مش مختلفين، و700 جنيه ولا يعملوا حاجة، وأنا أجيب منين عشان أعمل معاش نقابة؟ أنا أتكلم في ظل موارد.

وتابع:لغاية النهاردة اشتراكات النقابة ملاليم، وعدم حضور الجمعية العمومية غرامته 5 جنيه، وعدم دفع الاشتراك غرامته جنيه،وعن اقتراح سيف عبد الرحمن بمشاركة الممثلين الذي يحصلون على ملايين في دعم النقابة، هو الوحيد اللي عنده مصدر دخل في النقابة الممثلين، ودي شعبة واحدة من 11 شعبة في النقابة، كام واحد بيمثل وبيدخل إيه للنقابة؟.

نجوم الفن يعانون من شبح الإفلاس

من جانبه كان قد تصدر العديد من نجوم الفن مؤشرات البحث جوجل في الساعات الأخيرة، وذلك بسبب حديثهم عن أزمتهم المادية، ومعاناتهم من عدم عرض عليهم أعمال فنية في الفترة الأخيرة.

ونرصد لكم في السطور التالية، أبرز نجوم الفن الذين تحدثوا في الفترة الأخيرة عن حالتهم المادية.

نجوم ولكن فقراء

-نجوى فؤاد

محدش بيسأل عليا ولا حتى بالتليفون، وقاعدة من غير شغل بقالي سبع سنوات فلوسي خلصت وعايزة أعيش، والوسط الفني مبقاش فيه لا رحمة ولا تعاطف ولا عطاء.

-شريف خير الله

بعت كل حاجة بداية من العربية، على أمل هيحصل تطور، وفلوس العربية خلصت، وعندي التزامات ومصاريف مدارس وعيال فبعت بيتي،حسيت إني ممكن أنام على الرصيف.

-خالد زكي

لابد من تدخل قوي في هذه المسألة لصون كرامة الفنان اللي في جيلنا، عشان منموتش وإحنا ممعناش ولا مليم، ولا عارفين نتعالج.

-نعيم عيسى

أناانتهيت كدا أنا مريض وعيان ونايم في البيت، ليه محدش بيبعتلي، ومحدش من الفنانين بيزورني أو بيسأل عليها منهم لله، أنا عايش بالمعاش بس مبيكفنيش.

-سيف عبد الرحمن

أنا موجود وصحتي كويسة وأقدر أشتغل، وفي زمايل كتير أعرفهم باعوا عربياتهم مع إنهم نجوم كبار،إحنا معاش النقابة 700 جنيه مش ثمن. عشوة.

-محمود عامر

عزيزي المنتج أنا بتمنى لك كل الخير، وبقول لك إنه فيه فنانين كتار أوي أوي موجوعين بالكرامة وعاوزين يشتغلوا لأنهم هيضيفوا للعمل