انهيار والدة مريم طالبة الـ12.5% بسبب نتيجة الثانوية العامة: دمروا بيتنا لما ظلموها 

انهارت والدة مريم إبراهيم المعروفة إعلاميا بطالبة الـ12.5%، بسبب أزمة ابنتها وحصولها على درجات ضعيفة جدا في نتيجة الثانوية العامة بمحافظة المنيا.

وقالت والدة مريم خلال لايف موقع بصراحة: "عاوزه حق مريم يرجع من وزير التعليم دي بنتك عاوزه مجهودها وتعبها حسبنا الله ونعم الوكيل في اللي ظلمها دمرنا وكسر فرحتنا من يوم السبت واحنا كلنا بنعيط، بتجيب في امتحانات المدرسة النتيجة النهائية وجايبة في امتحان الفرنساوي بتاع المدرسة 40 من 40 إزاي تجيب 12.5%، هتقل درجة ولا اتنين لكن مش للدرجة دي، دي من الحضانة وهي متفوقة ومعاها 31 شهادة تقدير من كل مراحل التعليم".

وأضافت مريم خلال لايف موقع بصراحة: "عاوزه حقي ومش هسيبه، أنا تعبت أنا وأهلي عشان أبقى دكتورة، روحت أجيب نتيجة الثانوية العامة لقتني جايبة 12.5%، كنت الأولى في المرحلة الإعدادية وطول عمري متفوقة، وصعبان عليا نفسي أوي وأمي صعبانة عليا منهارة وبتعيط طول الوقت، هصعد الأزمة بتاعتي لوزير التربية والتعليم وعاوزه أوصل للرئيس السيسي أنا مستقبل كده بيضيع".