«مريم» طالبة الـ12% في المنيا تشتكي لوزير التعليم: تعبي راح لحد تاني (فيديو)

تعبي راح لحد تاني ومش قادرة أستوعب من الصدمة، بهذه الكلمات الحزينة، كشفت مريم إبراهيم، المعروفة بطالبة الـ12% بالثانوية العامة، بعد حصولها على أرقام ضعيفة بالمقارنة بمذاكرتها في محافظة المنيا.

وقالت مريم خلال لايف موقع بصراحة: "روحت أجيب نتيجة الثانوية بتاعتي لقيتني جايبة 12.5%، ودي نتيجة مترضيش ربنا ولا ترضى حد، أنا كنت مذاكرة كويس جدا ودايما أقول لماما وبابا أنا هدخل طب، أنا النتيجة دي مش بتاعتي، محدش مصدق لحد دلوقتي إزاي أنا أجيب 12.5%، أنا كنت مقفلة درجات الفرنساوي والإنجليزي والعربي عشان شاطرة فيهم، وكنت براجع بعد الامتحان إجابتي وكنت بلاقي أخطاء بسيطة خالص، طول عمري متفوقة وطلعت الأولى في المرحلة الإعدادية، أنا عاوزه نتيجتي الحقيقية ومجهودي اللي راح".