مفيدة شيحة: الخيانة أكبر كارثة ممكن تواجه الست في علاقتها بالرجل

خصصت الإعلامية مفيدة شيحة، في برنامجها الستات، المذاع عبر قناة النهار وان، مساء اليوم السبت، فقرة للحديث عن الخيانة الزوجية، حملت عنوان" أسامح لأصون بيتي أم لأنني مقتنعة؟".

وخلال الفقرة قالت مفيدة شيحة، إن :"أكبر كارثة ممكن تواجه الست في علاقتها بالرجل اللي بتحبه، إنها تكتشف خيانته ليها، وساعتها بتكون قدام خيارين كلاهما مر؛ إما أنها بتقرر تهد البيت على اللي فيه انتصارا لكرامتها، أو بتيجي على نفسها وتعديها علشان تحافظ على بيتها ومتبهدلش عيالها لكن من جواها بتفضل مجروحة".

وأضافت مفيدة شيحة، أن :" في الحالتين محدش بيقدر يلوم على الست لأنها بتتحمل نتيجة اختيارها سواء كان صح أو غلط، لكن اللي ممكن نقف عنده ونستغربه إن الست تقرر تسامح في الخيانة"، متسائلة :" هل هي في اللحظة دي بتسامح عن قناعة فعلا؟، وهل بتكون شايفة نفسها مقصرة أو عندها عيوب دفعت الرجل للخيانة؟".

وتابعت مفيدة شيحة، أن :" هل بتلاقي مبررات للراجل إنها يخونها؟، وهل بتقنع نفسها إنها مجرد نزوة ولحظة ضعف مش هتتكرر؟، وهل بيكون عندها خطة علشان تمنع الراجل من تكرار الخيانة؟".