«أنا مسمحاه مكنش يقصد والله».. أم تطالب بإخلاء سبيل ابنها رغم طعنها وشقيقته بسكين 

«أنا مسمحاه هو مكنش واعي بيعمل ايه يا خلق»، تلك الكلمات التي قالتها أم ودموعها منهالة على وجهها أثناء تحقيقات النيابة، بعدماتلقى اللواء محمد عبدالمنعم شرباش، مساعد وزير الداخلية مدير أمن سوهاج، إخطارًا من مأمور مركز شرطة طهطا، يفيد بورود بلاغًا من الأهالي مفاده تعدي شاب عشريني على والدته وشقيقته، بدائرة المركز.

تفاصيل طعن شاب عشريني لوالدته وشقيقته

"أنا دخلت له الفطار لقيته بياخد مخدرات زعقت معاه وقولت له حرام عليك ما صدقنا أن ربنا عافاك راح ضربني بالقلم وقالي انتي هتعلميني الأدب ولا إيه... صرخت وناديت ماما راح ضربني بالسكينة... أنا مسامحاه ومش عاوزه منه حاجه غير ربنا يهديه"، هكذا كانت تُبرر نورهان ارتكاب شقيقها للواقعة.

كما قالت الأم الخمسينية في أقوالها للنيابة العامة بمركز شرطة طهطا فيسوهاج: "فطرت وطلعت آكل الطيور وأغير لهم المياه سمعت صوت نورهان بتصرخ نزلت أجري اشوف في إيه لقيتها في بتجري من أوضة اخوها وبتنزف اتخضيت وبقيت اسألها فيه ايه يا بت إيه اللي عمل فيكي كده".

واستكملت: "لقيت ناصر طالع وراها بالسكينة وبيقول انا هربيكي انا هعلمك الأدب.. بحوش عن البت راح ضربني بالسكينة من غير ما يقصد هو كان بيهوش بس بيها.. عادي أي اخ بيضرب اخته هو مكنش واعي بيعمل إيه يا خلق".

تفاصيل طعن سيدة ونجلتها على يد ابنها

وعقب تقنين الإجراءات واستئذان النيابة العامة، تم ضبط المتهم المذكور والسلاح المُستخدم في الواقعة، وبمواجهته اعترف بإرتكاب الواقعة لذات السبب المُشار إليه.

حُرر المحضر اللازم بالواقعة وتولت النيابة العامة التحقيقات.