الأولى على الثانوية الأزهرية: مكالمة شيخ الأزهر فرحتني وكنت بنام والكتاب في حضني 

فرحة وزغاريد داخل منزل الطالبة أميرة أسامة، بعد حصولها على المركز الأول في الثانوية الأزهرية على مستوى الجمهورية.

قالت أميرة أسامة، خلال لايف موقع بصراحة: "كنت بذاكر 3 ساعات يوميا بجانب حضور دروسي، وجيت قبل الامتحانات ضغطت نفسي وكنت بذاكر الحاجات المهمة اللي باخدها من المدرسين، مكنتش متوقعة أكون الأولى على الجمهورية وده كرم كبير من ربنا، مكالمة شيخ الأزهر ليا متتوصفش وكنت بدعى ربنا أكلمه، كنت بنام والكتاب في حضني من كتر تعب المذاكرة، ومكنتش باكل ولا أشرب وقصرت في صحتي جدا من كتر التوتر".