مشفتش زي أخلاقه وانا مش شيخة .. القصة الكامل لحقيقة انفصال حلا شيحة عن معز مسعود

حالة من الجدل أثارتها الفنانة حلا شيحة، بعدما قامت بنشر بوستر عبر حسابها الرسمي بموقع تبادل الصور والفيديوهات الشهير "انستجرام"، وظهرت بصحبة أولادها باحدى الملاهي، وهي ترتدي الحجاب.

حلا شيحة

وعلقت حلا شيحة على صور تواجدها مع أولادها وصديقاتها، بأحد الملاهي، قائلة: لحظات في حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل و لحظات مع نفسنا بنتأمل فيها حياتنا كل ايامنا لحظات .

وأضافت:علشان كدة مفيش حاجة تستاهل الزعل و التفكير الزيادة وأجمل حاجة أن الواحد لما يتعب او يحس انه تايه او متلخبط لازم يبقي متأكد ان مشاعره بتقوله حاجات محتاج يعرفها او يفهمها او يفهم نفسه اكتر و نتعلم و مش عيب نقول غلطنا و مش عيب نصلح اخطاءنا بس اهم حاجة منكملش و نعاند نفسنا و نعاقب نفسنا ونحكم علي نفسنا بالفشل الفشل اننا نسيب نفسنا جوا نفس المشاكل و نستسلم.

وفور انتشار هذه البوست، انهالت عليها التعليقات التي تفيد، انفصالها وطلاقها مع الداعية معز مسعود، مما جعلها تقوم بكتابة هذه الكلام، عبر حسابها الشخصي بموقع تبادل الصور والفيديوهات الشهير"انستجرام"، مما جعلها تقرر حسم هذه الجدل حول حقيقة انفصالها عن زوجها.

حلا شحية ومعز مسعود

وقامت حلا شيحة بحسم هذا الجدل، عبر حسابها الشخصي بموقع تبادل الصور والفيديوهات الشهير"انستجرام"، ونشرت صورة لها، وعلقت عليها، قائلة:" لكل المتابعين و المحبين علي صفحتي و في الوطن العربي حابة اقولكم مفيش اي خبر اتكتب عن معز و عني يخص الطلاق صحيح و كلامي في البوست اللي فات كان كلام عام و لم اقصد بيه حد معين ابداً".

وأضافت:"معز بعيد عن الكلام ده تماماً بالعكس هو سبب كبير، لحاجات جميلة في حياتي وحياة أولادي و مشفتش كتير زي اخلاقه و احترامه و عيب الكلام اللي بيتقال عن صفحات السوشيل ميديا كله مش صح ابدا ً".

وتابعت:"والله في مشاكل اكبر بكتير و حاجات اهم بكتير ممكن نتكلم فيها .. و انا علي صفحتي بحب اشارك جمهوري ساعات بمعاني بحسها و بحسهم زيي و بحب اتواصل معاهم و ابقى موجودة معاهم مش اكتر من كدة".

وأوضحت :"بالنسبة لحجابي انا قلت بحاول زيي زي بنات كتير و اكيد مش احسن حاجة بس انا كدة دلوقتي و الحمد لله".

وأكدت حلا، قائلة :" انا مش شيخة انا انسانة عادية جداً ليا حسناتي و ليا سيئاتي و البشر كلهم كدة فبلاش حد يزايد علي حد و بدل ما نتريق او نقول كلام مش مهم نكون متصالحين مع نفسنا و نبطل نحكم علي بعض احنا بشر مش ملايكة".