كل ده سواد يا سيد..عمرو أديب يهاجم مدير الكرة بالأهلي

انتقد الإعلامي عمرو أديب، مدير الكرة في النادي الأهلي سيد عبد الحفيظ لعزوفه عن العبور بالممر الشرفي الذي نظمه لاعبو نادي الزمالك للاعبي الأهلي عقب تتويج الأبيض ببطولة كأس مصر.

وقال أديب خلال برنامجه "الحكاية" عبر شاشة "mbc مصر"، مساء الجمعة: إيه اللي عملته ده يا سيد .. إنت مدير كرة في نادي كبير.. إنك تمشي بره ممر الشرف حركة بلدي مفيهاش أي أخلاق رياضية

وأضاف: هما كانوا عاوزين منك ايه في الممر.. دول كان هيصقفولك.. سيد عمل حركة اللي المفروض لو لاعب عنده عمله يتعاقب لكن مين يعاقب سيد".

وتابع: "لازم تبقى قدوة يا سيد.. إنت جواك سواد .. ما تخسر يا أخي .. دي رياضة ولازم تكون نموذج.. كده غلط يا سيد .. اتحاد الكرة والخطيب لازم يعاقبوا سيد عبد الحفيظ.. الأهلي مفيش على رأسه ريشة".

وأكمل: لما الأهلي يكسب الزمالك لازم نشرب المر طول الليل.. لكن لما نكسب عاوزينا نسكت.. مصر طلع فيها زملكاوية كتير أوي.. أنا من حقي أحتفل وأفرح .. إحنا كسبنا بشرف وأحلى من الشرف مفيش واللي عمله سيد يخلي الناس تفهم الكيد والسواد".