هل يقصد عمرو دياب؟.. عمرو مصطفى يسخر من مطرب شهير

حالة من الجدل أثارها الفنان عمرو مصطفى، بعدما تعرض لهجوم شديد عقب طرحه أحدث أعماله الغنائية أغنية"إلا أنا" عبر موقع اليوتيوب، مما دفعته لكتابة تعليق شديد اللهجة لمطرب كبير تحت عنوان في رسالة "لجدو"، مما دفع العديد من رواد مواقع التواصل الاجتماعي والسوشيال ميديا، يتساءلون من هو المطرب الشهير الذي يقصده عمرو مصطفى.

عمرو مصطفى يسخر من مطرب شهير

وكتب عمرو مصطفى عبر حسابه الرسمي بموقع التواصل الاجتماعي فيسبوك، قائلا: رسالة لجدو ..هتبعت ناس ولجان تشتم علي الصفحه ولا هيهز شعره مني فلوس بترميها في الأرض..هتبعت ناس تقول صوته وحش ملكش دعوه انا هغني و صوتي وحش.. هتروح تخلي ناس تسرب الاغاني هطلع افضحك وساعتها هتكون نهايتك بجد.

وأضاف:" هتجيب عيال بفلوس تعمل فيديوهات إن الاغاني وحشه هتنجح غصب عنك لانها من القلب.. هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠ علي الفيسبوك بشرف احسن من ملايين مزيفين يا جدو ..وفي الاخر اتقل علشان الجاي صعب".

وتابع:"نسيت انك بعت ناس للموزعين الي بشتغل معاهم في الخارج علشان انت قلوده قوي .. بس لما تنزل معاهم هفضحك عادي".

وعلق العديد من قبل رواد مواقع التواصل الاجتماعي على تعليق، عمرو مصطفى، هو من هو جدو، هذا الي جانب العديد من التعليقات التي تشير إلي انه عمرو مصطفى يقصد بجدو، الهضبة عمرو دياب، خاصة بعد تعاونه معه في أغلب الأغاني النجاح للهضبة.

وفي وقت سابق،شن الملحن محمد رحيم، هجومًا حادا على الملحن عمرو مصطفى، إثر تصريحات الأخير في برنامج «حبر سري» مع الإعلامية أسما إبراهيم، على قناة القاهرة والناس، قائلًا: «أنا بحب مهاجمة محمد رحيم عشان بتضحكني».

ونشر «رحيم» عبر حسابه الرسمي على موقع فيسبوك، دًا على تصريح «مصطفى»، صورًا لجوائز ومقالات أجنبية كتبت عنه، وعلق عليها قائلًا: «نهيتك ما انتهيت والطبع فيك غالب وديل ال (عمرو) مايتعدل لو علقت فيه قالب مبقاش إلا اللى بيطبلوا على ظهر الجيتار والمدعين يجيبوا سيره الملحنين العالميين اللى واخدين أعلى شهادات الاحتراف العالمية».

واستكمل الملحن هجومه «وحياه ولادي ما هسيبك المرادي وهكشف حقيقتك وارجع حق كل الناس اللى جيت عليهم واذيتهم واللى انا ساكت عليه طول السنين اللى فاتت بجد هصدمك بيه أعوذ بالله من الغيره والحقد اللى جواك من ناحيتي مش عايز تطلعني من دماغك ابدا طيب قابل بقى ياملحن الترابيزه يا ابو كرد واحد يا جاحد».

وكان عمرو مصطفى قد صرح خلال «حبر سري»، عن محمد رحيم قائلًا: «محمد رحيم بيضحكني جدًا، بسبب مهاجمته اللي يبنشرها على مواقع التواصل، أنا بعمل كدة عشان يهاجمني ويضحكني، ودي ليست سخرية».

وأضاف الفنان عمرو مصطفى، خلال حواره ببرنامج «حبر سري»، مع الإعلامية أسما ابراهيم، على قناة القاهرة والناس، أن الشخص الوحيد الغالي عنده كان والدته وتوفت، قائلا: «أنا مفيش حد غالي عندي واللي غالي عندي أمي وراحت وهي كانت علطول تقولي حافظ على نفسك ومفيش عزيز ولا غالي، والغالي دلوقتي أنا ومراتي وولادي».

وتابع: «الغالي عندي أيضا الجمهور أنه يسمع مني حاجات ومزيكا كويسة، وانا ندمان على تأخري في الغناء فقط، واللي ينتقدني يكون عمل ربع اللي عملته وأكيد مش هبص عليهم ومش بشوف الكلام ده، ولما بكتب كلمة بكتبها للشعب عشان افهمه في الثقافة».