أحمد موسى عن موكب مدرس الفلسفة: ده ولا كأنه وزير.. هو لو المحافظ راح مدرسة الطلبة هتستقبله كده

علق الإعلامي أحمد موسى، على الفيديو المتداول لاستقبال طلاب لأحد مدرسي الفلسفة في موكب كبير، بمركز للدروس الخصوصية.

رد أحمد موسى على موكب مدرس الفلسفة

وقال موسى خلال برنامج «على مسئوليتي» على قناة صدى البلد «المعلم الذي ظهر في الفيديو اسمه سيد العراقي بدأ في المراجعة مع الطلاب في مشهد جميل، الطلاب استقبلوه بزي موحد، ورفعوا لافتات في موكب كبير ولا كأنه موكب وزير»، متابعا «الموكب ضم سيارات فارهة ما شاء الله، ربنا يزيد ويبارك طالما بيشتغل بما يرضي الله، الطلاب حابين المدرس ومن الواضح إنه مأثر فيهم وبيحققوا معاه نتائج كويسة».

وأضاف «كل واحد من حقه يشوف الفيديو بالطريقة اللي عايزه، أنا شايفه بالطريقة اللي بعرضه بيها، تصوير الفيديو بالدرون عبقري ومبدع، والله مع احترامي للجميع هل لو فيه محافظ أو وزير راح مدرسة الطلبة هتستقبله كده»، مواصلا «مع احترامي لوزير التعليم والتطوير، كيف استطاع هذا الرجل أن يجمع هذه الأعداد، سيد العراقي لديه عبقرية لتجميع هؤلاء، الناس حابينه سواء أسر أو تلاميذ، الراجل عنده حاجة بيقدمها للطلاب».