بعد تصريحاته عن والده.. نجل حميد الشاعري يهاجم حلمي بكر: أنت عبره لكل نفسيه فاسده منتهية الصلاحية فنيًا

هاجم نديم الشاعري نجل الفنان حميد الشاعري الملحن القدير حلمي بكر، وذلك بعد تصريحاته الأخيرة عن والده في أحد اللقاءات التلفزيونية.

وكتب نديم الشاعري عبر حسابه الشخصي بموقع التواصل الاجتماعي فيسبوك:”أستاذ حلمي لو محتاج مساعدة ماديا أو نفسيا الكابو مش حيتاخر عليك لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم”.

نديم الشاعري لـ حلمي بكر:أنت عبرة لكل نفسية فاسدة متناهية الصلاحية فنيا

وواصل:”أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيا وأخلاقيا، فرق التربية كبير أوي بينك وبين الكابو حتى في الفكر الموسيقي والمعاملة مع الناس، والكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد، لكن ولاده كبرو ومش حيسمحو إنك تقطع في أبوهم”.

وأضاف:”هو حضرتك بجد فاكر إن حميد هو اللي بوظ المزيكا في مصر؟!؟!؟، المقسوم اللي حضرتك بتتكلم عليه هو الواكل بقاله 30 سنة مع كل الفنانين وهو سر الاستمرارية والنجاح، مفيش ألبوم بينزل غير ومقسوم الكابو رانن في الودن”.

نجل حميد الشاعري ينتقد حلمي بكر

وأردف:”لما مذيع صابغ شعره أبيض وفي اللفة يسألك سؤال زي ده، والمفروض ردك يبقى تربوي قبل الفني أنه إزاي يسأل السؤال بالطريقة دي لكن حضرتك كنت هتطير من الفرحة عشان السؤال في تقليل للكابو”.

وأختتم نديم الشاعري قائلًا:”حاول يا أستاذ حلمي تكسب الناس عشان الدنيا فانية، متبقاش خسران السيرة الطيبة وكمان الناس”.