زوج منة عرفة يستعد لطرح عمل غنائي بعد انتهاء أزمته مع المهن التمثيلية

يستعد محمود المهدي زوج الفنانة منة عرفة لطرح عمل غنائي جديد بعد انتهاء أزمته مع نقيب المهن التمثيلية الفنان أشرف زكي.

وقال محمود المهدي في تصريح خاص لموقع "بصراحة" أنه سيقدم عمل غنائيًا جديد، ومن المقرر طرحه خلال الفترة المقبلة، بطريقة الريمكس، وذلك نظرًا لأن جميع حساباته على السوشيال ميديا كانت قد أغلقت، وسيعمل في الفترة المقبلة على إعادة نشاط حساباته من جديد.

من جانبه كان قد شارك السيناريست أحمد عاشور، مقطع فيديو للفنان محمود المهدي وهو يقدم اعتذاره للفنان أشرف زكي، وقال المهدي: فيه مبادرة عملها الاستاذ مسعد فودة نقيب السينمائين، والسيناريست أحمد عاشور، والاستاذ محمد جمعة، واجتمعنا في مكتب الاستاذ مسعد فودة، ووضحلي حاجات كتير الصراحة انا مكنتش مغفل عنها، فيه حاجات كتير انا منتبهتش ليها.

وواصل: فيه ناس كتير استغلت الموضوع، وسخنت الدنيا وسخنتني، وحصلت حاجات كتير غلط ومكنش ليه لازمة لكل ده، الاستاذ مسعد الصراحة بينلي حاجات كتير، وفتحلي عنيا على أني اشوف حاجات مكنتش شايفها، وطلع الدكتور اشرف زكي بيعمل حاجات كتير انا مكنتش اعرفها، والناس بردو متعرفهاش، وهو دايما بيسعى أن الفن يكون ليه مكانة في مصر.

وأختتم المهدي قائلًا: لو مكنش حصل الخلاف ده ما بينا مكنتش وصلت اني اعرف الحاجات اللي هو بيعملها، وان احنا الاتنين في اتجاه واحد، وهو اننا عاوزين فن دايما يرفع من مكانة مصر، ففيه سوء فهم حصل وفيه ناس كتيرة استغلت ده، بشكر استاذ مسعد فودة أنه نبهني لحاجات كتير كنت مغفل عنها فعلا، وأنا مش عاوز اي حد يزعل مني ولا أي فنان، واحنا ان شاء الله هنلتقي في اعمال جديدة، ومش عاوز ادكتور اشرف زكي يكون شايل مني في حاجة