«كاشفة سبب الطلاق».. آمال أبو المجد: أنا اللي كنت بصرف واتجوزنا بفلوسي

كشفت التيك توكر والبلوجر،آمال أبو المجد، سبب طلبها الطلاق من زوجها المدعو أحمد جوبا، عقب تعرضها للضرب والإهانة منه.

جاء ذلك خلال بث مباشر على حسابها الرسمي بموقع تبادل الصور والفيديوهات «انستجرام»، أوضحت فيه طبيعة علاقتها مع زوجها وأسباب ضربه لها وطلبها الطلاق منه.

سبب طلاق آمال أبو المجد

وقالت:كنا مبسوطين وكويسين قدامكوا بس انتوا ماتعرفوش إيه اللي بيحصل في البيوت، ده أنا اللي بصرف وأنا اللي بجيب ومعايا إثبات لكل كلمة، واتجوزنا بفلوسي.

وأضافت:أنا قولتله مش عايزة حمل دلوقتي، لأني بعد شهر واتنين وتلاتة لقيت إني شايلة الدنيا لوحدي.

وتابعت: قبلها قالي أنا عايز أعمل مشروع وادتله الفلوس، كان عايز ينام يصحى المغرب، يشرب قهوة يعمل استوريز، وفيديوهات يضحك عليكوا، وأنا اللي اشتغل وأعمل كل حاجة ده دوري.

وأكملت: دوري أطبطب وأصرف وأعمل كل حاجة، فقررت إني أتطلق وطلبت الطلاق وكان الرد في منتهى البجاحة وقال معندناش طلاق.

نشرت البلوجر الشهيرة آمال أبو المجد على موقع تبادل الصور والفيديوهات «الانستجرام»، مقطع فيديو وصور يوثق لحظة اعتداء زوجها عليها.

ضرب زوجآمال أبو المجد لها

وكتبت عبر حسابها الرسمي بموقع التواصل الاجتماعي انستجرام: “يؤسفني اقولكم ان ده جوزي أحمد اللي كنتو بتشفوه كلكم بيحب شوفوتو الرجولة ايه رأيكم؟”.

ضرب آمال أبو المجد

وتعرضت لإعتداء مُهين بالضرب والسب والقذف من قِبل زوجها الذي يُدعى «أحمد جوبا»، حيثُ كان يُريد أن يُجهض جنينها وهي في الشهر الثالث، حسبما ذكرت.

وقالت البلوجر: «حق الست اللي تتسحل وكانت هتسقط في شهرها التالت فين؟؟.. انا كنت مختفية مش حزن لا مرض وهو بكل سهولة طلع من النيابةاكنه معملش حاجة».