.png "banquemisr")
انفراد لموقع بصراحة| فريد الديب فى حوار المواجهة عن قضية نيرة أشرف: مين سيدفع الأتعاب؟.. وما هى الثغرة التى امسكها بالأوراق؟.. ولماذا قبل الوكالة عن متهم يطالب الجميع بالإعدام السريع له؟
حوار –محمود سعد الدين
- سألنا فريد الديب: يا أستاذ .. قضية نيرة أشرف العالم كله متعاطف معاها إزاى تقبل تدافع عن القاتل فرد: مش معنى إنى أدافع عن المجرم يبقى بأدافع عن الجريمة.. أنا محامى محترف أقوم بدورى وواجباتى وبأعمل دا طوال حياتى المهنية وتاريخ يشهد بهذا
- واجهناه.. الكل عارف إن فريد الديب بيتفق على الأتعاب قبل ما يشتغل.. مين هيدفع الأتعاب يا أستاذ فريد؟ فرد:" مش هأقول دلوقتى"
- سألناه.. مش بتخاف من المجتمع.. مش بتخاف من اللى بيهاجموك.. إزاى تدافع عن قضية فيها دم؟ فرد:"كل قضايا القتل فيها دم.. مش بس قضية نيرة أشرف وياما شوفت قضايا أصعب من كده بكتير"
- فريد الديب يدافع عن نفسه:لما أترافع عن قضية قتل.. مش معنى كدا إن أنا القاتل ولما أترافع عن جاسوس.. مش معنى كدا إن أنا الجاسوس
- الديب: أنا مش قلقان ومش مهتم ومش بشغل باليوياما مسكت قضايا كان الرأى العام فيها ضدى أكبر من دى ومحصلش حاجة.
عاد اسم المحامى الكبير، فريد الديب، للأضواء من جديد بعد ارتباط اسمه بقضية طالبة جامعة المنصورة نيرة أشرف، وخروج معلومات للنور عن موافقته من حيث المبدأ للدفاع عن محمد عادل المتهم بقتلها والذى ينتظر غدًا الأربعاء حكم من محكمة جنايات المنصورة.
والحقيقة أن عشرات الأسئلة تدور فى الأذهان منذ بداية انتشار هذا الخبر، يبحث الجميع عن إجابات تفسر تلك الخطوة من محام كبير مثل فريد الديب.
من أهم هذه الأسئلة، لماذا قبل فريد الديب الدفاع عن المتهم فى هذه القضية؟، ومن سيدفع الأتعاب؟، وهل تواصلت أسرة المتهم مع فريد الديب أم لا؟، وما هو مدخله القانونى فى القضية؟، وهل سيستغل فكرة الدية؟!، ولماذا يرتبط اسم فريد الديب بالأساس بقضايا الرأى العام؟، وهل هو متعاطف أم لا من الأساس مع الضحية وما جرى لها؟.
تواصلت صباح اليوم مع الأستاذ والمحامى الكبير فريد الديب ودار بيننا حوار عبر الهاتف استمر لمدة 10 دقائق، وجهت له كل الأسئلة كما يرددها الجميع دون صياغة، فى محاولة للحصول على إجابات مباشرة عن أهم قضية تشغل الرأى العام المصرى وستفصل فيها محكمة جنايات المنصورة غدا الأربعاء.
فى البداية.. أستاذ فريد.. هل وافقت بشكل نهائيعلى قبول الدفاع عن محمد عادل المتهم بقتل نيرة أشرف طالبة جامعة المنصورة؟
بشكل نهائى.. لسه.. لكن وافقت من حيث المبدأ.. وهأنتظر لما أشوف المحكمة هتقول إيه بكرة.
أستاذ فريد.. حضرتك مش قلقان من غضب الرأى العام ضدك أو هجومهم عليك؟
لا طبعا.. هو أنا لما أترافع عن قضية قتل.. يبقى أنا القاتل ولما أترافع عن جاسوس.. يبقى أنا الجاسوس.. أنا مش قلقان ومش مهتم ومش بشغل بالى وياما مسكت قضايا كان الرأيالعام فيها ضديأكبر من ديومحصلش حاجة.
لكن يا أستاذ فريد قضية نيرة أشرف تحديدًا.. قضية تابعها كل المصريين ومفيش مصريلم يتعاطف مع البنت الضحية وتمنى الإعدام للمتهم؟
مش معنى إنيأدافع عن المجرم يبقى بأدافع عن الجريمة.. أنا محاميمحترف أقوم بدوريوواجباتيوشغليوبأعمل دا طوال حياتيالمهنية وتاريخ يشهد بهذا.
ولكن يا أستاذ فريد.. دى قضية فيها دم.. فيها قتل.. فيها روح ماتت.. المصريين شافوا المتهم بيخلص على البنت فى الشارع ومفيش مصريلم يتأثر بفيديو الجريمة؟
رديعليك، إن كل قضايا القتل فيها دم وياما قضايا قتل كانت أبشع وأفظع وأكثر قسوة من القضية الليبنتكلم عليها.
يا أستاذ فريد.. حضرتك جايب الثقة والثبات فى الرد دا منين؟
من 60 سنة خبرة.. ياما مسكت قضايا كبيرة وصغيرة فيها تفاصيل وقتل ودم وحكايات أكثر من الليبنشوفه دلوقتي.
أستاذ فريد.. معروف عن حضرتك أنك لا تقبل أيقضية إلا بعد الإتفاق علي أتعابها .. مين هيدفع لك الأتعاب فهذة القضية؟
لسه الأمر مش مطروح، مش هقول دلوقتي.
يعنى مش الناس بتوع اليونان اللى كلموك على القضية؟
لسه مش مطروح.. لما أمسك القضية رسميالأول.
هل تواصل أيمن أفراد أسرة القاتل محمد عادل مع حضرتك؟
لأ.. لا كلمونيولا كلمتهم.. ولا أعرفهم.. ولا عمريشوفتهم من الأساس.
بمجرد ظهور اسم حضرتك فى قضية نيرة أشرف.. قيل إنك هتجيب البراءة للمتهم؟
مين قال كده.. أنا بأقوم بدوريوواجبيكمحاميفقط.. لكن النتيجة النهائية بتكون فى حكم المحكمة.. والليأقدر أقوله أن المتهم لم يأخذ حقه فى الدفاع أمام المحكمة والقضية خلصت فى جلستين والثالثة حكم.
ولكن يا أستاذ فريد.. ديعدالة ناجزة وكانت مطلب الشعب المصرى كله!
مع احتراميلليبتقوله.. أنا ماعرفش حاجة اسمها العدالة الناجزة أعرف حاجة اسمها العدالة المتأنية المدققة فى كل تفاصيل القضية.. الليبتدرس كل كبيرة وصغيرة فيأيقضية خاصة لو قضية بتهم وبتشغل الرأيالعام.
جوجل نيوز
