إحنا بـ100 راجل من اللى باعوا بلدهم.. رئيسة "القومي للمرأة" تلقن عمرو واكد درسا قاسيا

علقت الدكتورة مايا مرسي رئيسة المجلس القومي للمرأة، على إهانة عمرو واكد نساء مصر.

وقالت مايا مرسى، عبر حسابها الرسمى على موقع "فيسبوك"، اليوم الثلاثاء: “المعارضة مش سب وقذف للسيدات ولا اتهام محصنات، والسيدة المصرية اللى اتهمتها دى هى اللى وقفت وأنقذت بلدها على فكرة، حتى لو ده مش عاجبك، هى السيدة المصرية اللى ولادها استشهدوا للحفاظ على تراب ورمل البلد دى".

وتابعت: "هى السيدة اللى بتربى جيل يعرف قيمة علم بلده ويدفع روحه ثمن لأمنها وأمانها، إحنا بمئات الرجال اللى فقدوا النخوة والشجاعة، إحنا بمئات الرجال اللى باعوا ويبيعوا بلدهم كل يوم، أسفك يا عمرو واكد غير مقبول.. عيب".

من جانبها قالت أمل عبد المنعم، مديرة مكتب الشكاوي بالمجلس القومي للمرأة، إنه تم تلقى شكاوي من سيدات مصرية ضد عمرو واكد لإهانة نساء مصر.

وتابعت خلال مداخلة هاتفية مع الإعلامي أحمد موسى، ببرنامج «على مسئوليتي»، المذاع على قناة صدى البلد، أن مؤسسات الدولة تدعم الدولة المصرية، وسيتم حاليا فحص الشكاوي ضد واكد والتحرك القانوني حيالها.