نصبت على الضحايا في ١٠٠ مليون جنيه.. تفاصيل ظهور مستريحة جديدة في أكتوبر

ظهرت مستريحة جديدة بمدينة أكتوبر، تدعى "فاطمة إبراهيم"، وشهرتها "أم إبراهيم"، حيث استقطبت ضحاياها من خلال عملها كمالكة معرض موبيليا وأجهزة كهربائية، وأغرتهم بتوظيف أموالهم في المعرض بنسبة 200 جنيه في الشهر لكل 100 ألف جنيه.

وقالت إحدى ضحايا مستريحة أكتوبر الجديدة: "اتعرفت عليها لما كنت بدور على شقة لوالدتي وهي قالتلي انها شغالة في العقارات، وصاحبتني ودخلت بيتي، وبعدين قالتلي عايزه أكبر التجارة وهاتي 100 ألف جنيه هشغلهملك معايا، وبعدين خلتني اجيبلها قرايبي وسحبت مننا 600 ألف جنيه، وبعدين لقيناها اختفت وخدت كل حاجتها من المعرض".

وأضاف أحد الضحايا: "أنا سواق وركبت معايا أكتر من مرة وبعدبن عرضت عليا اشتغل معاها بالعربية وتحاسبني بالشهر، وبعدها طلبت مني 100 ألف عشان تشغلهملي، وحاسبتني على شهرين، وبعدها اختفت خالص".

وتابعت ضحية أخرى: "الناس مش معاها ومش لاقيين احنا بعنا الشقق وكنا عاملين جمعيات عشان نشغل الفلوس وناكل من وراها عيش.. احنا عايزين حد يجيب حقنا، هي ضحكت علينا واحنا غلطنا عشان هي طمعتنا، ونصبت على أكتر من 50 شخص، لو الحكومة مش عارفة تجيبها احنا هنجيبها وناكلها بسنانا".