انفصلت عنه بعد كتب الكتاب فساومها على شرفها.. ضحية الابتزاز الإلكتروني بالبحيرة: "قالي هفضحك لو مقضتش معا ليلة"

بعد قضية "بسنت" ضحية الابتزاز الإلكتروني التي هزت محافظة البحيرة، فتحولت لقضية رأي عام، اشتعلت محافظة البحيرة بقضية أخرى من هذا النوع، حيث أقدم شاب على ابتزاز زوجته بصورها الخاصة بعد سنتين ونصف من طلاقهما، وطالبها بالعودة له بشكل غير رسمي.

روت ضحية الابتزاز الإلكتروني، قصتها، مؤكدة انها انفصلت عن زوجها بعد كتب الكتاب، واختفى لمدة عامين ونصف، إلا انه ظهر فجأة وهددها بصور خاصة لها، مقابل الرجوع له في الحرام.

وقالت ضحية الابتزاز الإلكتروني: "قالي انا معايا صورك وهفبركها وامنتجلك بيها فيلم إباحي اختاري اسم احطه معاكي في الفيلم واظبطلك كام واحد من صحابي عشان يتسلوا عليكي، يا اما تيجي اقضي معاكي ليلة عشان امسح الصور، ونزلي صور على الفيس وكتب عليها كلام وحش ونزل أرقامي بكلام وحش جدًا".

وتابعت الضحية: "ولما رحت لأهله اشتكيلهم، هو قالي محدش يقدر يمنعني، ورحت عملت فيه محضر في مباحث الإنترنت، وهو برضه كان بيزود في تهديده ليا"، معقبة : "أهلي وقفوا جنبي ودا اللي خلاني مخافش منه ولا اعمل حاجة في نفسي".