رئيس التحرير
محمود سعد الدين
NationalPostAuthority
الرئيسية حالا القائمة البحث
banquemisr

كريم قاسم يدافع عن ريهام حجاج: اللي بيحصل معاها ظلم ممنهج والصفحات اللي بتهاجمها مفبركة

كشف الفنان كريم قاسم عن تفاصيل تعاونه للمرة الثانية مع الفنانة ريهام حجاج من خلال مسلسل “يوتيرن”، والذى يعرض حاليا في سباق دراما رمضان.

نشرت ريهام حجاج عبر حسابها بموقع تبادل الصور والفيديوهات “إنستجرام“، جزء من لقاء مع كريم قاسم، يقول فيه: “المسلسل واجه افتراء من بعض الناس، حد يطلع يعمل مونتير ويقولك أنا اشتغلت وهو أصلا مالهوش علاقة بالمسلسل، وواحدة تتكلم على التتر وتقولك أصلها ظلمتني”.

تابع: “يا جماعة أنتوا بتلغوا مؤسسة كاملة، فيه شركة إنتاج، وفيه مخرج، وفيه ناس تانية بتاخد قرارات، أنا عمال أغني ظلم ظلمات بتاعة التتر بسبب المواقف دي، في إيه يا جماعة، وابتديت أحس إن فيه حاجة ممنهجة، بالذات ضد ريهام”.

أضاف: “أنا متفهم إن فيه ناس ممكن ما تحبش ممثل، لكن لما جيت أركز شوية، ولما تابعت الكومنتات، لقيت حوالي 70 ٪ منها صفحات فاك عمرها ما نشرت بوستات، وبالمناسبة أنا تاني سنة أشتغل مع ريهام حجاج ما شوفتش منها حاجة واحدة وحشة، بل بالعكس وقفت جانبي كتير”.

أردف: “أوقات كتير ماكنتش قادر أشتغل سواء السنة دي، أو السنة قبل اللي فاتت أو متضايق من حاجة أو كدة، كانت هي تتدخل وتحل رغم إن ده مش شغلانتها، ففعلا أنا ما شوفتش منها حاجة واحدة وحشة”.

استكمل: “أما فيما يتعلق بالأستاذ توفيق، إحنا كلنا اتفاجئنا إنه نزل البوست ده في التوقيت ده، بس أنا برضه مع شغلي معاه مقدر جدا، لأن الظروف اللي بنشتغل فيها أتغيرت، إحنا بنصور يوميا 14 و18 ساعة وأحيانا بنوصل لـ 23 ساعة يوميا، وطبعا أنا مقدر ظروفه الصحية”.

          
تم نسخ الرابط