سيدة تكشف موقفًا إنسانيًا مؤثرًا للراحل مصطفى درويش:بعتلي إيجار 3 شهور وأكل يكفيني شهرين وكمان فلوس أصرف منها

كشفت سيدة عن موقف إنساني مؤثر للفنان الراحل مصطفى درويش، مؤكدةً أنه وقف بجانبها في وقت كانت تمر فيه بظروف مادية صعبة خلال اغترابها في القاهرة، ولم يتردد في مساعدتها، إذ تكفّل بإيجار مسكنها لمدة 3 أشهر، وأرسل لها طعامًا يكفيها لشهرين، إلى جانب مبلغ مالي لتدبير احتياجاتها.

وكتبت السيدة عبر منشور عبر موقع التواصل الاجتماعي “فيسبوك”: ده الفنان مصطفى درويش رحمة الله عليه،  واتمنى البوست ده يكون سبب ان كل الناس تفتكره وتدعيله

وأضافت: الراجل ده عمل معايا حاجة عمري ما كنت اتخيل إن إنسان قبل ما يكون فنان وحد مشهور إنه يعملها وهو ولا يعرفني ولا شافني قبل كده.

وتابعت: وأنا كنت مغتربة وشغالة في القاهرة،  وأنا بدرس واتعثر عليا الايجار ومكانش في جيبي أقسم بالله غير جنيه واحد وماسكة الموبايل بقلب فيه،  وأنا معرفش هروح الشغل تاني يوم ازاي ولا هجيب اكل منين

واستكملت: لقيته منزل بوست من الاكونت بتاعه، معرفش ايه خلاني ابعتله واكلمه واطلب منه المساعدة في الايجار بس وانا ولا في بالي انه هيرد اساسا، بس مفيش خمسة دقايق ورد عليا وقالي ابعتيلي العنوان ورقم الموبايل وبعتلي السواق بتاعه بعدها بساعة

وواصلت: بعتلي ظرف فيه تمن ايجار ٣ شهور وبعت معاه خزين اكل يكفي ولا شهرين قدام، لحوم نواشف خضار وفاكهة وعيش وكل حاجة حرفيا،  واتصل سألني اذا كان ناقصني حاجة تانية وبعتلي على الكاش مبلغ اصرف منه وقالي فلوس الظرف ادفعيها للايجار تأمني نفسك ٣ شهور واللي على الكاش دول مصاريفك 

واستطردت: وكان مبلغ كبير ساعتها يكفيني بجد فوق الشهرين وزيادة، أنا مكنتش مستوعبة اللي الراجل ده بيعمله، بعدها اترقيت في الشغل وربنا كرمني وبعتله اشكره، وكانت أخر رسالة منه ليا رد قالي ربنا يكرمك يعني حتى مطنش انه يرد عليا

واختتمت: أنا معرفش ليه كتبت البوست ده بس لعله يكون سبب في الدعاء له، ربنا يرحمه ويغفر له ويسكنه فسيح جناته ويعوض شبابه في الجنة يارب.

وفاة مصطفى درويش 

توفغى مصطفى درويش 1 مايو 2023 عن عمر ناهز الـ 43 عاماً إثر إصابته بأزمة قلبية مفاجئة.