مجدي الهواري بعد خطوبة ابنته: يوم من الأيام اللي بتفضل محفورة في

أعرب المخرج مجدي الهواري عن سعادته البالغة بخطوبة ابنته، مؤكدًا أن هذا اليوم من الأيام التي ستظل محفورة في ذاكرته وقلبه، ومشاركًا جمهوره جانبًا من مشاعره تجاه هذه المناسبة الخاصة.

وشارك مجدي الهواري جمهوره بعدة صورا من الخطوبة، وذلك عبر صفحته الرسمية بموقع التواصل الاجتماعي “انستجرام”، وعلق عليها قائلا: ماشاء الله تبارك الله، ساعات الواحد بيبقى بيتكلم زي الطلقة،  وساعات تانية يقف قدام فرحته ومش لاقي كلام يقوله، فيسيب الصورة تعبّر عنه من امبارح والله مش عارف اكتب ايه من الفرحة ! بس هحاول.

وأضاف: إمبارح كانت خطوبة بنتي وحبيبتي مريم. علي كريم هلال زميلها من ايام المدرسة واد حدي وشهم وصاخب اخوتها طول عمرة، يوم من الأيام اللي بتفضل محفورة في القلب، مش بس عشان فرحة الخطوبة، لكن عشان اللمة الحلوة، ووجود الأهل والأقارب، والضحكة اللي كانت في عيون كل واحد فينا وهو شايف مريم سعيدة.

وتابع: يا مريم، يمكن الصورة تحكي جزء من اللي جوايا، لكن مش هتعرف تقول قد إيه فرحتك فرّحتني، وقد إيه اللحظة دي خلت قلبي مليان امتنان وحب كبرتي قدام عيني، وامبارح شفتك بتبدئي خطوة جديدة في حياتك، فدعيت من قلبي إن ربنا يحميكي من العين، ويكتب لك فيها كل الخير، ويجعل أيامك جاية أحنّ وأجمل مما تتمني.

واختتم: مبروك يا حبيبتي يا بنتي، ربنا يتمم لك على خير، ويحفظك ويسعدك، ويجمع بينكم دايمًا على المودة والرحمة والرضا. فرحتك من فرحة قلبي، ووجودك في حياتي أجمل حكاية، مبروك حبيبتي ومبروك يا كريم عرفت تختار ويتتم علي الخير وعقبال الليلة الكبيرة، دعوتكم لهم بالتوفيق ويهدي سرهم يارب،  قولوا تبارك الرحمن.

خطوبة ابنة مجدي الهواري وغادة عادل 

واحتفل مجدي الهواري والفنانة غادة عادل أول أمس الأربعاء  بخطوبة ابنتهما، في أجواء عائلية مميزة، بحضور عدد من أفراد الأسرة والأصدقاء المقربين.

وشارك الثنائي فرحتهما بهذه المناسبة، وسط أجواء من السعادة والاحتفال، وتلقى العروسان التهاني من المقربين وأصدقاء العائلة.

وتأتي خطوبة ابنة مجدي الهواري وغادة عادل بعد سنوات من ارتباط اسميهما بالوسط الفني، حيث شكلا خلال زواجهما السابق ثنائيًا فنيًا وعائليًا، وأنجبا عددًا من الأبناء.