ياسمين عز لـ هاني شاكر: وأنت في سن ويجز كنت بتلبس حاجات غريبة

وجهت الإعلامية ياسمين عز، رسالة للمطرب هاني شاكر، نقيب المهن الموسيقية، بعد انتقاده إطلالة مغني الراب ويجز بعد الجدل المُثار حول إطلالته التي ظهر بها في حفله الأخير داخل المملكة العربية السعودية.

وأضافت ياسمين عز، خلال تقديمها برنامجها «كلام الناس»، المذاع على شاشة قناة «mbc مصر»، اليوم الخميس، «كل الاحترام لنقيب الموسيقيين هاني شاكر والتحية والمحبة لكن وهو في سن ويجز وقتها، لو رجعنا لورا، كانوا بيلبسوا حاجات لما بنشوفها دلوقتي بنسأل نفسنا هو إزاي بيلبسوها كدة وشكلهم كدة ولية اللون دة على اللون دة وقصة الشعر».

وتابعت:«وقتها لو كانوا انتقدوا هاني شاكر مكنش دلوقتي ما شاء الله بقى نقيب المهن الموسيقيين وأمير الغناء العربي، مرة تانية بقول بشويش والموضوع أبسط من كدة أبسط من الدوشة اللي بنعملها».