فردوس عبد الحميد تهاجم ظهور ويجز بملابس غريبة: طالع يغنى بشورت ما ينفعش السكوت عليه 

أكدت الفنانة القديرة فردوس عبد الحميد ، على أهمية دور الفن في المجتمع قائلة: "لازم يبقى فيه ناس متخصصة ولازم يبقا فيه نصوص بتتعمل قبلها بـ3 أو 4 سنين.. لازم يبقوا عارفين ان العمل بيقدم رسالة للمجتمع والضرورة إن الموضوع نفسه هو اللى يكون نجم.

وشددت على دور التليفزيون في الحفاظ على التقاليد المجتمعية، معلقة: "ده جهاز مهم جدا لأنه بيدخل كل بيت بتشوفه أجيال".

وردًا على سؤال حول ما يقدمه الفن الآن، قالت "عبدالحميد" في تصريحات تلفزيونية: "نتمنى نشوف أعمال لها رسالة، فالقضية ليست إنى أقلد الآخرين، ولكن إنى أبقى نفسى، ومش احنا كمصريين اللى نبص لأشياء بتحصل برة ونقلدها".

وتابعت: " في واحد غريب طالع بيغني بشورت ولابس حاجات غريبة ، ده مش مجتمعنا على الإطلاق ولا يجب السكوت عليه ، محذرة: "يجب أن يكون هناك نوع من السيطرة عليه لأن ده "بينخر" في صميم شبابنا.